លោកអ៊ូថែនសែនជាដើម
ថ្ងៃទី២១ខែកញ្ញា នៅក្រុងណាន់នីងភូមិភាគស្វ័យតក្វាងស៊ី លោកស៊ីជីងភីងអនុប្រធានរដ្ឋចិន បានជួបសន្ទនាជាមួយលោកអ៊ូថែនសែនប្រធានាធិបតីមីយ៉ាន់ម៉ា លោកMUHYIDDINឧបនាយករដ្ឋមន្ត្រីម៉ាឡេស៊ីនិងលោកMarRoxasរដ្ឋមន្ត្រីក្រសួងមហាផ្ទៃជាបេសកជនពិសេសរបស់លោកប្រធានាធិបតីហ្វីលីពីនដោយឡែកដែលបានអញ្ជើញចូលរួមពិព័រណ៍ពាណិជ្ជកម្មចិនអាស៊ានសម័យទី៩ ។
ពេលជួបសន្ទនាជាមួយលោកអ៊ូថែនសែន លោកស៊ីជីងភីងថ្លែងថាៈ បច្ចុប្បន្ន ការវិវឌ្ឍន៍នៃទំនាក់ទំនងរវាងចិននិងមីយ៉ាន់ម៉ាមានភាពល្អប្រសើរជាទូទៅ ភាគីទាំង២ត្រូវតែបង្កើនល្បឿនគ្រោងគោលដៅរយៈពេលមធ្យមនិងយូរអង្វែងនៃការផ្លាស់ប្តូរក្នុងគ្រប់វិស័យសម្រាប់ប្រទេសទាំង២ ជំរុញកិច្ចសហការលើគ្រប់វិស័យដោយនឹងនរ ។
លោកអ៊ូថែនសែនថ្លែងថាៈបច្ចុប្បន្នមីយ៉ាន់ម៉ាកំពុងឋិតក្នុងរយៈកាលដែលរដ្ឋផ្លាស់រូបភាពអភិវឌ្ឍន៍ តែគោលនយោបាយមីយ៉ាន់ម៉ាដែលយកចិត្តទុកដាក់ពង្រីកទំនាក់ទំនងជាមួយប្រទេសចិនគ្មានកែប្រែទេ ។ ភាគីមីយ៉ាន់ម៉ារីករាយចិត្តខំប្រឹងប្រែងជាមួយប្រទេសចិន ជំរុញឲ្យទំនាក់ទំនងគូកនសហការយុទ្ធសាស្ត្រលើគ្រប់វិស័យរវាងប្រទេសទាំង ២ ឲ្យវិវឌ្ឍន៍ទៅមុខឥតឈប់ឈរ ។
ពេលជួបសន្ទនាជាមួយលោក MUHYIDDIN លោកស៊ីជីងភីងថ្លែងថាៈប៉ុន្មានឆ្នាំកន្លងមកនេះ ទំនាក់ទំនងរវាងប្រទេសចិននិងម៉ាឡេស៊ីបានវិវឌ្ឍន៍ទៅមុខដ៏ល្អប្រសើរជំហានក្រោយ ភាគីទាំង២ត្រូវតែខំពង្រីកការវិនិយោគទុនទៅវិញទៅមកថែម១កម្រិតទៀត អនុវត្តកិច្ចកសាងសង្កាត់សួនឧស្សាហកម្មឲ្យបានល្អ បំពេញអត្ថរសនៃទំនាក់ទំនងរវាងប្រទេសទាំង២ឥតឈប់ឈរ ។
លោក MUHYIDDINថ្លែងថាៈ ក្នុងសភាពការណ៍ដ៏ស្មុកស្មាញលើពិភពលោកនិងនៅតំបន់អាស៊ី ភាគីម៉ាឡេស៊ីរីករាយចិត្តបង្កើនកិច្ចសហការលើគ្រប់វិស័យជាមួយប្រទេសចិន ។
ពេលជួបសន្ទនាជាមួយលោកMarRoxas លោកស៊ីជីងភីងថ្លែងថាៈលោកប្រធានាធិបតីអាគីណូបានប្រគល់ភារៈឲ្យលោកធ្វើជាបេសកជនពិសេសមកប្រទេសចិនចូលរួមពិព័រណ៍ពាណិជ្ជកម្មចិនអាស៊ាន ហើយពាំនាំនូវប្រសាសន៍ក្នុងការពង្រីកទំនាក់ទំនងប្រទេសទាំង ២ នេះបានបង្ហាញឲ្យឃើញនូវការយកចិត្តទុកដាក់ដល់ទំនាក់ទំនងរវាងប្រទេសចិននិងហ្វីលីពីន ។
លោកMarRoxas បានថ្លែងថាៈ ភាគីហ្វីលីពីនសង្ឃឹមយ៉ាងស្មោះអាចពង្រីកទំនាក់ទំនងមេត្រីភាព ជិតស្និទ្ធនិងប្រក្រតីភាពជាមួយភាគីចិន ។