ថ្ងៃទី ៣ ខែកញ្ញា សម្តេច ហ៊ុន សែន នាយករដ្ឋមន្ត្រីកម្ពុជាបានថ្លែងនៅពេលអញ្ជើញចូលរួមពិព័រណ៍ចិន-អាស៊ាននិងកិច្ចប្រជុំកំពូលធុរកិច្ចនិងវិនិយោគទុនចិន-អាស៊ានលើកទី ១០ ថា ដោយមកពីកំរិតសេដ្ឋកិច្ចបានងើបឡើងឥតឈប់ឈរ ប្រទេសចិនបានក្លាយទៅជាតំបន់សំខាន់ដែលដឹកនាំការងើបឡើងវិញនៃសេដ្ឋកិច្ចពិភពលោក ការអភិវឌ្ឍន៍របស់ប្រទេសចិនបាននាំមកនូវផលប្រយោជន៍ដ៏ធំធេងដល់សម្ព័ន្ធអាស៊ាន ហើយប្រទេសចិនបានក្លាយជាកម្លាំងស្នូលគាំពារស្ថេរភាពក្នុងតំបន់។
សម្តេច ហ៊ុន សែន បានមានប្រសាសន៍បន្តទៀតថា ឆ្នាំ ២០១២ ទឹកប្រាក់ពាណិជ្ជកម្មទ្វេភាគីចិននិងអាស៊ានមានដល់ទៅជាង ៤ សែនលាន ដុល្លាអាមេរិក។ បើសិនជាអាចរក្សានិន្នាការអភិវឌ្ឍន៍នេះ នោះដល់ឆ្នាំ ២០១៥ ទឹកប្រាក់ពាណិជ្ជកម្មទ្វេភាគីអាស៊ាននិងចិនមុខជានឹងសម្រេចដូចគោលដៅគឺ ៥ សែនលានដុល្លាអាមេរិក ដូចដែលអ្នកដឹកនាំទ្វេភាគីបានគូសបញ្ជាក់ជាមិនខាន។
