ព្រឹកថ្ងៃទី៣ខែកញ្ញា ពិព័រណ៍ចិន-អាស៊ានលើកទី១០និងកិច្ចប្រជុំកំពូលធុរកិច្ចនិងវិនិយោគទុនរវាងចិន-អាស៊ានបានបើកធ្វើយ៉ាងឧឡារិកនៅទីក្រុងណាននីងភូមិភាគស្វយ័តជនជាតិជាំងក្វាំងស៊ីប្រទេសចិន។ចូលរួមជាអធិបតីក្នុងពិធីសម្ភោធបើកនិងថ្លែងសន្ទរកថានាឱកាសនោះមាន លោក Li KeQiang នាយករដ្ឋមន្រ្តីចិន លោកU Thein Sein ប្រធានាធិបតីមីយ៉ាន់ម៉ា សម្តេចហ៊ុនសែន នាយករដ្ឋមន្រ្តីកម្ពុជា លោកThongsingនាយករដ្ឋមន្រ្តីឡាវ លោកស្រីYingluck Shinawatra នាយករដ្ឋមន្រ្តីថៃ លោកNguyenTan Dung នាយករដ្ឋមន្រ្តីវៀតណាម លោកTeo Chee Hean ឧបនាយករដ្ឋមន្រ្តីសិង្ហបូរីនិងអគ្គលេខាធិការសម្ព័ន្ធអាស៊ាន។
លោក Li KeQiang បានមានប្រសាសន៍ថា ប្រទេសចិននិងអាស៊ានបានសហការគ្នាឆ្លងកាត់ប្រវត្តមិនធម្មតា ក្នុងរយៈពេល ១០ឆ្នាំ នេះគឺជារយៈពេលមាសនៅក្នុងកិច្ចសហប្រតិបត្តិការ។ទំនាក់ទំនងរវាងចិននិងអាស៊ានក្នុងផ្នែកសេដ្ឋកិច្ចនាបច្ចុប្បន្នមានភាពស្និទ្ធស្នាលនិងពឹងផ្អែកគ្នាទៅវិញទៅមកដែលពីមុនមិនធ្លាប់មាន។ភាគីទាំងពីរត្រូវតែបន្តសហការគ្នាដើម្បីបង្កើត១០ឆ្នាំថ្មីក្នុងទំនាក់ទំនងដៃគូយុទ្ធសាស្រ្តចិននិងអាស៊ានតទៅទៀត។