ថ្ងៃទី២ខែកញ្ញា នៅទីក្រុងណាននីង លោក Li Keqiang នាយករដ្ឋមន្រ្តីចិនបានជួបសន្ទនាជាមួយនឹងសម្តេច ហ៊ុនសែន នាយករដ្ឋមន្រ្តីកម្ពុជាដែលបានអញ្ជើញចូលរួមពិព័រណ៍ចិន-អាស៊ានលើកទី១០និងកិច្ចប្រជុំកំពូលធុរកិច្ចវិនិយោគទុនចិន-អាស៊ាន។
លោក Li Keqiang បានជូនពរបក្សប្រជាជនកម្ពុជាដែលទទួលជោគជ័យក្នុងការបោះឆ្នោតសកលដែលប្រព្រឹត្តទៅនាពេលកន្លងមក។លោក Li Keqiang បានមានប្រសាសន៍ថា ប្រទេសកម្ពុជាជាប្រទេសនៅជាប់ជិតខាងគ្នាមានភាពស្និទ្ធស្នាលនិងមានភាពមេត្រីដ៍សំខាន់របស់ប្រទេសចិន ប្រទេសទាំងពីរបានក្លាយទៅជាដៃគូយុទ្ធសាស្រ្តដែលយោគយល់គ្នា ពឹងផ្អែកគ្នានិងគាំទ្រគ្នាទៅវិញទៅមក។ប្រទេសចិនគាំទ្រនាយករដ្ឋមន្រ្តីកម្ពុជាបន្តដឹកនាំរាជរដ្ឋាភិបាលនិងប្រជាពលរដ្ឋកម្ពុជាដើរតាមផ្លូវអភិវឌ្ឍន៍ដែលសមស្របនឹងសភាពការណ៍ជាតិខ្លួនឯង រីករាយចិត្តរក្សាការទៅមករកគ្នាក្នុងកំរិតខ្ពស់ជាមួយនឹងភាគីកម្ពុជា។ពង្រីកកិច្ចសហប្រតិបត្តិការក្នុងផ្នែកសំខាន់ដូចជាវិនិយោគទុនពាណិជ្ជកម្ម កិច្ចកសាងហេដ្ឋារចនាសម្ព័ន្ធកសិកម្មនិងការបណ្តុះបណ្តាលប្រភពធនធានមនុស្សជាដើម។ដើម្បីផ្តល់សុភមង្គលដល់ពប្រជាពលរដ្ឋប្រទេសទាំងពីរឲ្យបានកាន់តែល្អ។