លេខាធិការនៃពិព័រណ៍ចិន-អាស៊ានបានបង្ហាញថា ពិព័រណ៍ចិន-អាស៊ានលើកទី១០បានកាត់បន្ថយការចំណាយដោយឆ្លងតាមវិធីកាត់បន្ថយចំនួនសកម្មភាព បង្រួញរយៈពេលនៃពិព័រណ៍និងលុបចោលពិធីបិទពិព័រណ៍ជាដើម ដើម្បីរៀបចំពិព័រណ៍ឲ្យបានកាន់តែអស្ចារ្យនិងកាន់តែទទួលបានលទ្ធផលល្អប្រសើរ ។
អ្នកទទួលខុសត្រូវមានពាក់ព័ន្ធនៃលេខាធិការដ្ឋាននៃពិព័រណ៍ចិន-អាស៊ានបានប្រកាសឲ្យដឹងថា ពិព័រណ៍ចិន-អាស៊ានលើកទី១០បានធ្វើការកែប្រែចំពោះរបៀបរៀបចំពិព័រណ៍ ដោយរួមបញ្ចូលគ្នានូវពិធីសម្ពោធបើកនៃពិព័រណ៍ចិន-អាស៊ាននិងកិច្ចប្រជុំកំពូលពាណិជ្ជកម្មនិងវិនិយោគទុនចិន-អាស៊ាន មកជាពិធីសម្ពោធបើក ហើយបានលុបចោលពិធីសម្ពោធបិទ ។
ពិព័រណ៍ចិន-អាស៊ានលើកទី១០នឹងធ្វើពីថ្ងៃទី៣ដល់ថ្ងៃទី៦ខែកញ្ញាឆ្នាំ២០១៣នេះនៅទីក្រុងណាននីងភូមិភាគស្វយ័តជនជាតិជាំងក្វាងស៊ីប្រទេសចិន ។ ឆ្នាំនេះជាខួបឆ្នាំទី១០នៃចិននិងអាស៊ានដោយបានបង្កើតនូវទំនាក់ទំនងដៃគូយុទ្ធសាស្ត្រ និងជាខួបទី១០ឆ្នាំនៃពិព័រណ៍ចិន-អាស៊ាន ។
ពិព័រណ៍ចិន-អាស៊ាននិងកិច្ចប្រជុំកំពូលពាណិជ្ជកម្មនិងវិនិយោគទុនចិន-អាស៊ានដែលជិតនឹងធ្វើឡើងនៅថ្ងៃទី៣ខែកញ្ញានេះបានទទួលការចាប់អារម្មណ៍ពីសហគ្រាសចិននិងបរទេសកាន់តែច្រើន ។
លោកស្រីHuang Yuanអគ្គលេខាធិការរងនៃលេខាធិការដ្ឋាននៃពិព័រណ៍ចិន-អាស៊ានបានថ្លែងថា ឆ្នាំនេះ ដោយមានភាពរីករាយដោយបានសហគ្រាសដែលមានឈ្មោះល្បីក្នុងវីស័យនានាមកចូលរួមពិព័រណ៍កាន់តែច្រើន ក្រុមនៃពាណិជ្ជករបញ្ជាទិញនិងក្រុមវិនិយោគនិងក្រុមអ្នកទាក់ទាញការវិនិយោគសរុបជិត120ក្រុម ។ ពាណិជ្ជករឯកទេសមកពីប្រទេសអាមេរិក កាណាដា អាល្លឺម៉ង់ បារាំង ជប៉ុន កូរ៉េខាងត្បូង ឥណ្ឌា អូស្ត្រាលីនិងប្រទេសមកពីតំបន់នៃទ្វីបអាមេរិកខាងត្បូងនិងមជ្ឈិមបូព៌ារក៏មានចំនួនច្រើនជាងពីមុនផងដែរ ។