ថ្ងៃទី ១០ ខែមីនា សន្និសីទលើកទីមួយនៃសភាតំណាងប្រជាជនទូទាំងប្រទេសចិនអាណត្តិទី ១២ បានបើកធ្វើសន្និសីទពេញអង្គលើកទីបី ។ លោក Ma Kai សមាជិកក្រុមប្រឹក្សាកិច្ចការរដ្ឋចិន និងជាអគ្គលេខាធិការក្រុមប្រឹក្សាកិច្ចការរដ្ឋចិនបានបង្ហើបឲ្យដឹងក្នុងសន្និសីទថា ប្រទេសចិនមានគម្រោងបង្កើតរបបចុះបញ្ជីដោយឯកភាពនូវអចលនទ្រព្យ ដើម្បីតាំងមូលដ្ឋានដ៏រឹងមាំសម្រាប់បង្ការនិងបង្រ្កាបអំពើពុករលួយ ។
តាមដឹង «គម្រោងនៃការកែទម្រង់ស្ថាប័ននិងកែប្រែមុខងារនៃក្រុមប្រឹក្សាកិច្ចការរដ្ឋ» ដែលបានបង្ហើបចំពោះខាងក្រៅជាលើកដំបូងនាថ្ងៃដដែលបានលើកឡើងថា ត្រូវបង្កើតរបបចុះបញ្ជីដោយឯកភាពនូវអចលនទ្រព្យ ដើម្បីអនុវត្តការកំណត់របស់ច្បាប់សិទ្ធិវត្ថុឲ្យកាន់តែល្អ ធានាការលក់ដូរអចលនទ្រព្យដោយមានសុវត្ថិភាព គាំពារដោយមានប្រសិទ្ធភាពនូវសិទ្ធិទ្រព្យសម្បត្តិស្របច្បាប់របស់អ្នកកាន់សិទ្ធិអចលនទ្រព្យ ៕