ថ្ងៃទី ៦ ខែមីនា ក្នុងសន្នសីទកាសែតនៃកិច្ចប្រជុំលើកទីមួយនៃសភាតំណាងប្រជាជនទូទាំងប្រទេសចិនអាណត្តិទី ១២ លោក Zhang Ping ប្រធានគណៈកម្មាធិការជាតិខាងការអភិវឌ្ឍន៍និងកំណែទម្រង់ប្រទេសចិនបានថ្លែងថា ប្រទេសចិនបានទប់ទល់នឹងវិបត្តិហិរញ្ញវត្ថុអន្តរជាតិដោយមានប្រសិទ្ធភាព ពោលគឺបានបោះជំហានធំបីក្នុងរយៈ ៥ ឆ្នាំកន្លងទៅនេះលើទ្រង់ទ្រាយសេដ្ឋកិច្ច ។
លោក Zhang Ping បានថ្លែងថា ចាប់ពីខែកញ្ញាឆ្នាំ ២០០៨ ដោយសាររងការវាយប្រហារពីវិបត្តិហិរញ្ញវត្ថុអន្តរជាតិ ការនាំចេញចំពោះក្រៅប្រទេសរបស់ចិនបានថមថយចុះជាច្រើន ។ ដើម្បីទប់ទល់នឹងវិបត្តិ ចិនបានចាត់វិធានការយ៉ាងដាច់ខាត បង្កើតបានជាផែនការមួយចំនួន ។
លោក Zhang Ping បានថ្លែងថា ការពង្រីកតម្រូវការក្នុងស្រុកជាវិធានការដ៏មានប្រសិទ្ធភាពបំផុត ដែលប្រទេសចិនយកឈ្នះលើវិបត្តិហិរញ្ញវត្ថុអន្តរជាតិលើកនេះ និងទប់ទល់ជាមួយវិបត្តិពីខាងក្រៅ ៕