ក្នុងខណៈពេលដែលកិច្ចប្រជុំលើកទីមួយនៃមហាសន្និបាតសភាប្រឹក្សានយោបាយទូទាំងប្រទេសចិនអាណត្តិទី១២និងកិច្ចប្រជុំលើកទី១នៃមហាសន្និបាតសភាតំណាងប្រជាជនទូទាំងប្រទេសចិនអាណតិ្តទី១២បាននិងកំពុងប្រព្រឹតទៅនោះ អ្នកសិក្សាស្រាវជ្រាវ អ្នកជំនាញការ និងប្រព័ន្ធសារព័ត៌មាន ព្រមនិងមន្ត្រីសម្ព័ន្ធអាស៊ានបានបញ្ចេញមតិជាបន្តបន្ទាប់ថា ប៉ុន្មានឆ្នាំកន្លងទៅ កម្លាំងចម្រុះរបស់ប្រទេសចិនបានត្រូវលើកកម្ពស់ដោយឥត់ឈប់ឈរ ឋានៈនិងឥទ្ធិពលលើផ្ទៃអន្តរជាតិក៏ត្រូវបានពង្រឹងជារៀងរាល់ថ្ងៃដែរ បានដើរតួនាទីជាប្រទេសធំដែលមានការទទួលខុសត្រូវក្នុងកិច្ចការអន្តរជាតិ ។ មហាសន្និបាតទាំងពីរលើកនេះគឺជាមហាសន្និបាតសំខាន់មួយលើកសម្រាប់ទទួលបន្តនូវបុព្វហេតុអតីតកាលហើយអភវិឌ្ឍន៍អនាគតថ្មី ។
លោកAhmad Wijayaអតីតប្រធានសាខានៃទីភ្នាក់ងារសារព័ត៌មានAntaraឥណ្ឌូនេស៊ីបានសម្គាល់ថា នៅក្រោមបរិការណ៍ដែលសេដ្ឋកិច្ចពិភពលោកមានភាពទន់ខ្សោយ សេដ្ឋកិច្ចចិនមិនគ្រាន់តែគ្មានចុះថមថយប៉ុណ្ណោះទេ ប៉ុន្តែបែរជារក្សាកំណើនយ៉ាងនឹងន បានក្លាយទៅជាម៉ាស៊ីនរុញច្រានសម្រាប់អភិវឌ្ឍន៍សេដ្ឋកិច្ចតំបន់និងពិភពលោក បានបង្ហាញយ៉ាងពេញលេញនូវកម្លាំងរស់រវើកនិងភាពស្វិតស្វាញដ៏ខ្លាំងក្លា។
លោកDanny Lee Chian Siongប្រធានផ្នែកកិច្ចការសាធារណៈនៃលេខាធិការដ្ឋានសម្ព័ន្ធអាស៊ានបានថ្លែងថា ប្រទេសចិនបានចាត់វិធានការដ៏មានកម្លាំងខ្លាំងក្នុងការទប់ទល់វិបត្តិហិរញ្ញវត្ថុអន្តរជាតិ បានរក្សាកំណើនសេដ្ឋកិច្ចក្នុងប្រទេសឲ្យបានកើនឡើងលឿនបង្គួរនិងនឹងនរ ទាំងនេះសុទ្ធតែបានដើរតួនាទីដ៏សកម្មក្រៃលែងទាំងក្នុងប្រទេសចិនរហូតដល់ក្នុងតំបន់ទាំងមូលទៀតផង ។
ថ្ងៃទី៤ខែមីនា គេហទំព័រ"លានហឺចាវប៉ាវ"សិង្ហបុរីបានចុះផ្សាយថា មហាសនិ្នបាតទាំងពីររបស់ចិនលើកនេះ ក៏ជានិមិត្តសញ្ញានៃការបញ្ចប់នូវរបប១០ឆ្នាំរបស់"ហ៊ូវឺន"(លោកហ៊ូជីនថាវនិងលោកវឺនជាប៉ាវ) ហើយជាការចាប់ផ្តើមនៃរបប១០ឆ្នាំថ្មីរបស់"XiLi"(លោកXi Jinpingនិងលោក Li Keqiang) ៕
