ប្រព័ន្ធឃោសនាប៉ាគីស្ថានចុះផ្សាយថា រដ្ឋាភិបាលអាណត្តិថ្មីរបស់ចិននឹងដើរតួនាទីកាន់តែសំខាន់ក្នុងកិច្ចការអន្តរជាតិ
2013-03-05 15:56:33 cri Web Editor:Deng Qian
មហាសន្និបាទទាំងពីរនៃប្រទេសចិនឆ្នាំ២០១៣ដែលកំពុងបើកធ្វើនៅក្រុងប៉េកាំង មិនគ្រាន់តែជាចំណុចក្តៅដែលប្រព័ន្ធឃោសនាក្នុងប្រទេសយកចិត្តទុកដាក់តែប៉ុណ្ណោះទេ ប៉ុន្តែថែមទាំងបានទាក់ទាញចំណាប់អារម្មណ៍របស់ប្រព័ន្ធឃោសនាប៉ាគីស្ថាន ដែលជាប្រទេសជិតខាងមេត្រីភាពរបស់ប្រទេសចិនទៀតផង។
ក្នុងរយៈពេល៥ឆ្នាំកន្លងទៅ លោក Masood Sadar Khan ដែលជាអ្នកកាសែតថ្នាក់ទីមួយនៃទីភ្នាក់ងារព័ត៌មានជាតិប៉ាគីស្ថានប្រចាំប្រទេសចិនបានយកចិត្តទុកដាក់យ៉ាងខ្លាំងចំពោះមហាសន្និបាតទាំងពីរនៃប្រទេសចិន។ លោកបានថ្លែងថា "ក្នុងរយៈពេលដែលលោក Xi Jinping អគ្គលេខាធិការមជ្ឈិមបក្សកុម្មុយនិស្តចិនអញ្ជើញទៅទស្សនានិងត្រួតពិនិត្យនៅក្រុង GuangZhou ខ្ញុំបានចាប់អារម្មណ៍ដោយផ្ទាល់នឹងការប្រែប្រួលថ្មីនិងបរិយាកាសថ្មី។ ទាំងនេះសុទ្ធតែបង្ហាញចេញនូវសញ្ញាដ៏សកម្ម"។