នេះគឺជារូបភាពស្តីពីការប្រកួតប្រជែងជ្រើសរើសអ្នកនិយាយភាសាចិនឆ្នើមក្នុងវិស័យទេសចរណ៍កម្ពុជាឆ្នាំ២០១៦ដែលថតនៅក្នុងទីក្រុងភ្នំពេញកាលពីថ្ងៃទី១៧ខែសីហាឆ្នាំ២០១៦។
ការប្រកួតប្រជែងជ្រើសរើសអ្នកនិយាយភាសាចិនឆ្នើមក្នុងវិស័យទេសចរណ៍កម្ពុជាឆ្នាំ២០១៦ត្រូវបានសហការរៀបចំដោយក្រសួងទេសចរណ៍កម្ពុជានិងស្ថានទូតចិនប្រចាំនៅព្រះរាជាណាចក្រកម្ពុជានៅស្ថានីយ៍ទូរទស្សន៍ជាតិកម្ពុជា។ ការប្រកួតវគ្គផ្ដាច់ព្រ័ត្រនេះ មានបេក្ខជនបេក្ខនារីចំនួន១០នាក់ដែលបានមកពីការប្រកួតប្រជែងជម្រុះពីការប្រកួតពីរកន្លែងគឺនៅរាជធានីភ្នំពេញនិងនៅខេត្តសៀមរាប។ ក្នុងនោះដែរ សមាជិកគណៈកម្មាធិការវាយតម្លៃគឺជាមន្ត្រីមកពីខាងក្រសួងទេសចរណ៍បុគ្គលិកមកពីស្ថានទូតចិនប្រចាំនៅកម្ពុជានិងលោកគ្រូអ្នកគ្រូមកពីវិទ្យាស្ថានខុងជឺព្រមទាំងតំណាងមកពីក្រុមហ៊ុនហួរវៃផងដែរ។ ក្នុងការប្រកួតប្រជែងនេះ បេក្ខជនបេក្ខនារី ត្រូវឆ្លើយសំណួររបស់គណៈកម្មាធិការស្ដីអំពីវិស័យទេសចរណ៍កម្ពុជាវប្បធម៌ចិន-កម្ពុជានិងសំណួរដែលមានពាក់ព័ន្ធនឹងភាសាខ្មែរនិងភាសាចិនផងដែរ។
