ព្រឹកថ្ងៃទី៧ខែកញ្ញា តាមម៉ោងតំបន់ លោកលីខឺឈាំងនាយករដ្ឋមន្រ្តីចិនបានអញ្ជើញចូលរួមសន្និសីទអ្នកដឹកនាំចិននិងអាស៊ានគឺ១០បូក១លើកទី១៩និងសន្និសីទកំពូលស្តីពីការរំលឹកខួបអនុស្សាវរីយ៍ទី២៥នៃការបង្កើតទំនាក់ទំនងសម្រាប់កិច្ចសន្ទនារវាងចិននិងអាស៊ាននៅមជ្ឈមណ្ឌលសន្និសីទជាតិក្រុងវៀងចន្ទន៍ប្រទេសឡាវ។
លោកលីខឺឈាំងបានលើកសំណើ៥ចំណុចអំពីការអភិវឌ្ឍទំនាក់ទំនងរវាងចិននិងអាស៊ាន៖
ទី១ ចារទំព័រថ្មីសម្រាប់ទំនាក់ទំនងរវាងចិននិងអាស៊ាន។ភាគីទាំងពីរគួរតែបង្កើនការតភ្ជាប់គ្នារវាងគោលដៅនិងផ្លូវអភិវឌ្ឍន៍ បន្តកសាងសហគមន៍រួមវាសនាតែមួយរបស់ចិន–អាស៊ានដែលមានភាពកាន់តែជិតស្និទ្ធ។
ទី២ បង្កើតវេទិកាថ្មីសម្រាប់កិច្ចសហប្រតិបត្តិការខាងនយោបាយនិងសន្តិសុខ។ភាគីចិនរីករាយក្នុងការពិភាក្សានិងចុះហត្ថលេខាលើសន្ធិសញ្ញាសហប្រតិបត្តិការប្រកបដោយសុខដុមនីយកម្មនិងមេត្រីភាពជាមួយប្រទេសអាស៊ានក្នុងពេលដ៏ខ្លីខាងមុខ ដើម្បីផ្តល់ការធានាខាងប្រព័ន្ធច្បាប់ដល់ចំណងមេត្រីភាពជាយូរអង្វែងរបស់ភាគីទាំងពីរ។
ទី៣ ពូនជ្រំកម្លាំងចលករថ្មីសម្រាប់កិច្ចសហប្រតិបត្តិការខាងសេដ្ឋកិច្ចនិងពាណិជ្ជកម្ម។
ទី៤ បង្កបង្កើតសសរទ្រូងសម្រាប់កិច្ចសហប្រតិបត្តិការនិងការផ្លាស់ប្តូរខាងមនុស្សសាស្រ្ត។
ទី៥ រួមគ្នាត្រួសត្រាយនិម្មាបនកម្មថ្មីនៃកិច្ចសហប្រតិបត្តិការក្នុងតំបន់។
