លោក ម៉ាច័ន្ទបញ្ញា ប្រទេសកម្ពុជា

ម៉ា ច័ន្ទបញ្ញាកើតនៅថ្ងៃទី២០ មេសា ឆ្នាំ១៩៩២ នៅរាជធានីភ្នំពេញប្រទេសកម្ពុជា។ បញ្ញាបានបញ្ចប់ថ្នាក់បរិញ្ញាបត្រផ្នែកតុបតែងនិងរចនាលម្អផ្នែកខាងក្នុងនៅវិទ្យាស្ថានស៊ីតិកក្នុងឆ្នាំ២០១២។ នៅឆ្នាំ២០០៩ ដោយសារតែលោកចង់ចាប់ផ្ដើមក្ដីសុបិនផ្ទាល់ខ្លួនផងនិងសម្រាប់គ្រួសារផង លោកបានសម្រេចចិត្តចូលធ្វើការបម្រើទូរទស្សន៍បាយ័ន្តជាបុគ្គលិកពេញសិទ្ធិដែលធ្វើការងារពាក់កណ្ដាលថ្ងៃរហូតដល់យប់ជាអ្នកកាត់តសម្រាប់កម្មវិធីសប្បុរសធម៌«នេះមិនមែនជាសុបិន»និងរៀនយកបរិញ្ញាបត្រផ្នែកតុបតែងនិងរចនាលម្អផ្នែកខាងក្នុងនេះ តែម្ដង។ ឆ្នាំ២០១១ លោកបានទទួលពានរង្វាន់ចំណាត់ថ្នាក់លេខ២ទូទាំងប្រទេសក្នុងកម្មវិធីមហោស្រពតន្ត្រីថ្នាក់ជាតិលើកទី២ដែលរៀបចំឡើងដោយក្រសួងពត៌មាននិងសហការណ៍ជាមួយក្រសួង២ទៀត។ នៅដើមឆ្នាំ២០១៣ លោកបានចូលបម្រើការងារជាបុគ្គលិកពេញច្បាប់នៅក្រុមហ៊ុនសប្បាយដែលជាក្រុមហ៊ុនវេបសាយនិងផ្សព្វផ្សាយដ៏ធំមួយរបស់កម្ពុជាជាអ្នកកាត់តផង ជាអ្នកបញ្ជូលសំឡេងផង ជាអ្នកពិធីករផងនិងជាអ្នកគ្រប់គ្រងការងារគម្រោងថតផង ស្របពេលនោះនាចុងឆ្នាំ២០១៤ លោកបានទទួលជ័យលាភីលេខ១ជាតារាចម្រៀងដែលមានស្លៀកសំលៀកបំពាក់លេចធ្លោជាងគេនៅមហោស្រពទូទាំងអាស៊ី មាន១២ប្រទេសចូលរួម រៀបចំឡើងដោយប្រទេសចិនមានឈ្មោះថា Asia Fashionable Singer Award 2014 នៅទីក្រុងចុងជីង។ ក្នុងឆ្នាំដដែលនោះ លោកបានទទួលពានរង្វាន់អ្នកនិពន្ធវ័យក្មេងអាស៊ាន(Asean Young Writer Award)ដែលរៀបចំឡើងដោយប្រទេសថៃជាមួយនឹងប្រទេសអាស៊ានដោយទទួលកិត្តិយសទទួលពានពីម្ចាស់ក្សត្រីផ្ទាល់នាទីក្រុងបាំងកក ប៉ុន្តែគម្រោងនោះត្រូវបានពន្យារពេលវិញដោយសារតែមូលហេតុបញ្ហានយោបាយផ្ទៃក្នុងមួយចំនួនរបស់ថៃ។ ដើមឆ្នាំ២០១៥ លោកទទួលបានចំណាត់ថ្នាក់លេខមួយផ្នែកអ្នកនិពន្ធវ័យក្មេងដែរពីអង្គការPenអន្តរជាតិនៅភ្នំពេញ។ សរុបមកដល់ឆ្នាំ២០១៥នេះ លោកត្រូវបានចូលរួមនិងអញ្ជើញជាកិត្តិយសជាអ្នកសម្ដែងស្ម័គ្រចិត្តនិងជាមនុស្សម្នាក់ដែលរួមចំណែកក្នុងការងារសង្គមពិសេសគឺការប្រគុំតន្ត្រីសប្បរសធម៌មិនតិចជាង៣០កម្មវិធីនោះទេ។ នៅចុងឆ្នាំ២០១៥ លោកបានតែងចម្រៀងនិពន្ធថ្មីជិត១០បទបន្ថែមទៀតសម្រាប់គម្រោងចង់ចេញជាអាល់ប៊ុមដោយខ្លួនឯង។ បើគិតមកដល់ពេលនេះ លោកមានចម្រៀងដែលនិពន្ធដោយខ្លួនឯងមិនតិចជាង៣០ទៅ៤០បទនោះទេដែលចេញផ្សព្វផ្សាយផ្លូវការណ៍ខ្លះនិងមិនបានចេញឲ្យគេស្គាល់ខ្លះ។ លោកមានមហិច្ចតាយ៉ាងច្បាស់ក្នុងការងារចម្រៀងនិងភាពយន្តទោះបីជាជីវិតលោកម្ដងឡើងម្ដងចុះក៏ដោយ។

សរុបពានរង្វាន់ដែលលោកទទួលបានរួមមាន៖

-ឆ្នាំ២០១១ លោកបានទទួលពានរង្វាន់លេខ២ទូទាំងប្រទេសអំពីការបង្កើតបទនិពន្ធថ្មី(Original Song)និងបង្កើតក្រុមភ្លេងមួយឈ្មោះ ក្រុមតន្ត្រីស្នាមញញឹមក្នុងកម្មវិធីមហោស្រពតន្ត្រីថ្នាក់ជាតិឆ្នាំ២០១១ រៀបចំដោយ៣ក្រសួង។ នៅឆ្នាំ២០១៤ លោកបានទទួលពានរង្វាន់២ទៀតពីកម្មវិធីអន្តរជាតិមួយនៅទីក្រុងចុងជីងប្រទេសចិនជាមួយនឹងប្រទេស១២ទៀតលើផ្នែកអ្នកចម្រៀងអាស៊ីដែលស្លៀកសំលៀកបំពាក់លេខធ្លោជាងគេប្រចាំឆ្នាំ២០១៤ (The Asia top fashionable singer 2014)និងពានរង្វាន់អ្នកនិពន្ធអក្សរសិល្ប៍វ័យក្មេងប្រចាំអាស៊ានតំណាងប្រទេសកម្ពុជាដែលរៀបចំឡើងដោយប្រទេសថៃក្រោមអធិបតីដ៏ខ្ពង់ខ្ពស់នៃម្ចាស់ក្សត្រីថៃ។ នៅដើមឆ្នាំ២០១៥ លោកបានទទួលរង្វាន់អ្នកនិពន្ធវ័យក្មេងជាថ្មីម្ដងទៀតក្នុងកម្មវិធីផេនអន្តរជាតិប្រចាំកម្ពុជា(The Pen Writer Cambodia)។

សមិទ្ធិផលស្នាដៃជោគជ័យធំៗដែលលោកបានបង្កើត៖

បញ្ញាធ្លាប់ចូលរួមកម្មវិធីសប្បុរសធម៌ជួយសង្គមតាមរយៈការសម្ដែងមិនយកកម្រៃជាច្រើនកម្មវិធី ក្នុងនោះលោកក៏ធ្លាប់ធ្វើជាគណៈកម្មការណ៍វ័យក្មេងជ្រើសរើសអ្នកនិពន្ធចម្រៀងថ្មីមួយរូបផងដែរក្នុងកម្មវិធីMelody of Change។ លោកធ្លាប់ជាសមាជិកនៃក្រុមនិពន្ធបទចម្រៀងដ៏ល្បីគឺSongkiteដែលជាក្រុមនិពន្ធបទចម្រៀងវ័យក្មេងបានផលិតអាល់ប៊ុមរួមគ្នាមិនចម្លងគេមិនគេយ៉ាងជោគជ័យនៅកម្ពុជា។ លោកក៏ធ្លាប់និពន្ធចម្រៀងជូនតារាកំពូលល្បីៗមួយចំនួនផងដែរ។ លើសពីនេះទៅទៀត លោកក៏ធ្លាប់ចូលរួមផលិតភាពយន្តខ្នាតខ្លីនិងផលិតភាពយន្តខ្លីដោយខ្លួនឯងចំនួន៤រឿងផងដែរដែលក្នុងនោះរួមមានបេះដូងស្រស់ស្អាត ១៥វិនាទី មនុស្សស្មោះមិនអស់សង្ឃឹម ពីខ្ញុំទៅអ្នក ហើយឆាប់ៗនេះ លោកកំពុងតែត្រូវបានគេពិចារណាឲ្យចូលរួមសម្ដែងជាមួយសិល្បករដទៃទៀតនៅអឺរ៉ុបជាលក្ខណៈទេសចរណ៍តន្ត្រីនៅ៥ប្រទេសនៅអឺរ៉ុបផងដែរ។

បទដែលប្រិយមិត្តបានស្គាល់គាត់ភាគច្រើនគឺ៖

-True Love Never Ends or មនុស្សស្មោះមិនអស់សង្ឃឹម(Mnus Smoh Min Ors Songkherm)

-Forever Alone or ម្នាក់ឯងមែនទេ?(Mneak Aeng Man Te?)

-Wanna be your doll or មនុស្សបេះដូងតុក្កតា(Mnus Behdong Tukkata)

-Come with me or មកជាមួយបង ft.(Mok Jeamouy bong)

-Just A friend or ផ្ដើមពីមិត្តបញ្ចប់ត្រឹមមិត្ត(Phderm Pi mitt bonjob treum mitt)

-Marry you in our dream or ផ្ដើមរៀបការចាប់ពីក្ដីស្រមៃ(Phderm Reab Kar Jabb Pi Kdey Sromai)