ពេលថ្មីៗកន្លងទៅនេះ វេបសាយសេដ្ឋកិច្ចចិនបានចេញផ្សាយអត្ថបទវិភាគរបស់លោក Zhang Yongwei អនុប្រធានមន្ទីរស្រាវជ្រាវអំពីសហគ្រាសនៃមជ្ឈមណ្ឌលស្រាវជ្រាវការអភិវឌ្ឍរបស់ក្រុមប្រឹក្សាកិច្ចការរដ្ឋចិនដែលមានចំណងជើងថា ជំនឿចិត្តរបស់សហគ្រាសបានមកពីណា? អត្ថបទបានសរសេរថា
ទីភ្នាក់ងារព័ត៌មានទីផ្សារអន្តរជាតិ( MNI ) បានប្រកាសថា សន្ទស្សន៍ជំនឿចិត្តរបស់សហគ្រាសចិននៅខែតុលាកន្លងទៅនេះបានកើនឡើង៨ក្បៀស៣ភាគរយបើប្រៀបធៀបនឹងខែកញ្ញាកន្លងទៅ នេះជាកម្រិតខ្ពស់បំផុតតាំងពីខែមីនាឆ្នាំ២០១១រៀងមក ។ នេះជាសញ្ញាដ៏សំខាន់ណាស់មួយ ដែលបង្ហាញថា សហគ្រាសចិនកាន់តែមានភាពជាម្ចាស់ការ កាន់តែចាស់ទុំនិងកាន់តែមានភាពនឹងធឹងក្នុងដំណើរទប់ទល់នឹងសម្ពាធនិងសម្រេចការផ្លាស់ប្តូររូបមន្តអភិវឌ្ឍន៍និងលើកកម្ពស់លំដាប់ថ្នាក់ ហើយកាន់តែមានជំនឿចិត្តចំពោះការព្យាករណ៍នូវម៉ាក្រូសេដ្ឋកិច្ចផងដែរ ។
ទីមួយ ការវិនិយោគទុនទៅលើការកែប្រែបច្ចេកទេសនៃសហគ្រាសឧស្សាហកម្មនៅតែរក្សាកំណើនលឿនបង្គួរ ។
ទីពីរ ចំណុចលេចធ្លោក្នុងការអភិវឌ្ឍសេដ្ឋកិច្ចបានកើនឡើងឥតឈប់ឈរ កម្លាំងកកើតថ្មីបានរីកចម្រើនយ៉ាងឆាប់រហ័ស ។
ទីបី សហគ្រាសកាន់តែមានភាពចាស់ទុំនិងមានវិចារណញ្ញាណ ។
