មហាសនិ្នបាតការពារអេកូបរិស្ថានទូទាំងប្រទេសចិនបានប្រារព្ធធ្វើនៅក្រុងប៉េកាំងពីថ្ងៃទី ១៨ ដល់ថ្ងៃទី ១៩ ខែឧសភា ។ លោក ស៊ីជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិន ប្រធានរដ្ឋចិន និងជាប្រធានគណៈកម្មាធិការយោធាមជ្ឈិមបក្សកុម្មុយនិស្តចិនបានអញ្ជើញចូលរួមមហាសនិ្នបាត ព្រមទាំងបានថ្លែងសុន្ទរកថាគន្លឹះ ។ លោកបានគូសបញ្ជាក់ថា គួរតែផ្តួចផ្តើមរៀបចំនិងចាត់ចែងការអភិវឌ្ឍសេដ្ឋកិច្ចសង្គមនិងកិច្ចកសាងអេកូ-អរិយធម៌ឲ្យបានល្អ បង្កើនកម្លាំងជំរុញយ៉ាងពេញទំហឹងនូវកិច្ចកសាងអេកូ-អរិយធម៌ និងដោះស្រាយបញ្ហាអេកូ-បរិស្ថាន ដើម្បីយកឈ្នះលើការបង្ការនិងគ្រប់គ្រងការបំពុលបរិស្ថានជាដាច់ខាត ក៏ដូចជាជំរុញកិច្ចកសាងអេកូ-អរិយធម៌របស់ប្រទេសចិនឡើងដល់កម្រិតថ្មី ។
លោក ស៊ីជីនភីងបានលើកឡើងទៀតថា កិច្ចកសាងអេកូ-អរិយធម៌គឺជាគោលនយោបាយមូលដ្ឋានដែលពាក់ព័ន្ធដល់ការអភិវឌ្ឍជានិរន្តរភាពរបស់ប្រជាជាតិចិនផងដែរ ៕
