នាពេលកន្លងទៅថ្មីៗនេះ ការប៉ះទង្គិចប្រដាប់អាវុធនៅតំបន់ភាគខាងជើងប្រទេសមីយ៉ាន់ម៉ាបានបណ្តាលឲ្យពលរដ្ឋចិននៅមីយ៉ាន់ម៉ាស្លាប់និងរងរបួសក៏ដូចជារងការខូចខាតខាងទ្រព្យសម្បត្តិ។ នាយប់ថ្ងៃទី១៨ខែឧសភា លោកអ៊ូឈាន អ្នកនាំពាក្យនៃក្រសួងការពារជាតិចិនបានប្រាប់ទៅអ្នកសារព័ត៌មានអំពីគោលជំហរនិងវិធានការទប់ទល់របស់កងទ័ពចិន។
លោកអ៊ូឈានថ្លែងថា គិតមកទល់បច្ចុប្បន្ន មានពលរដ្ឋចិននៅមីយ៉ាន់ម៉ាចំនួន៣នាក់បានស្លាប់បាត់បង់ជីវិត ថែមទាំងមានរ៉ុក្កែត៣គ្រាប់និងគ្រាប់ផ្លោងមួយចំនួនបានបាញ់ចូលដែនដីចិនទៀតផង។ ប្រទេសចិនទាមទារឲ្យបណ្តាភាគីប៉ះទង្គិចនានារបស់មីយ៉ាន់ម៉ារក្សាការអត់ធ្មត់ និងបញ្ឈប់ការបាញ់គ្នាភ្លាម ព្រមនិងចាត់វិធានការដ៏ប្រាកដប្រជានិងមានប្រសិទ្ធភាពដើម្បីទប់ស្កាត់កុំឲ្យរឿងបែបនេះកើតឡើងជាថ្មីម្តងទៀត។ កងទ័ពចិននឹងបង្កើនការគ្រប់គ្រងតាមតំបន់ព្រំដែនថែមទៀត និងចាត់នូវរាល់វិធានការចាំបាច់ទាំងអស់ដើម្បីគាំពារយ៉ាងដាច់ខាតនូវសន្តិសុខផ្នែកអធិបតេយ្យភាពជាតិ ស្ថិរភាពព្រំដែននិងសុវត្ថិភាពអាយុជីវិតនិងទ្រព្យសម្បត្តិរបស់ប្រជាពលរដ្ឋតាមតំបន់ព្រំដែន៕
