ថ្ងៃទី១៨ខែឧសភា ក្មេងជំទង់ចំនួន២៨នាក់ដែលចូលរួមសកម្មភាព"កេ្មងជំទង់៧ប្រទេសចាប់ដៃគ្នាធ្វើដំណើរនៅប្រទេសចិននៃ"ខ្សែក្រវាត់មួយនិងផ្លូវមួយ ដួងចិត្តប្រជាជនតភ្ជាប់គ្នា"បានធ្វើដំណើរទៅដល់សាលារៀនXinyingcaiក្រុងប៉េកាំង ដើម្បីចូលរួមវេទិកាកេ្មងជំទង់ចិននិងអន្តរជាតិចាប់ដៃគ្នាក្រោមប្រធានបទមាតុប្រទេសខ្ញុំសុបិនខ្ញុំ។ ពេលផ្តល់បទសម្ភាសន៍ជាមួយអ្នកសារព័ត៌មាននៃវិទ្យុអន្តរជាតិចិន អង្គទូតមួយចំនួននៃប្រទេសអាស៊ានប្រចាំនៅប្រទេសចិនបានវាយតម្លៃខ្ពស់ចំពោះសកម្មភាពលើកនេះ។ លោកNguyen ThiThaiThongទីប្រឹក្សាស្ថានទូតវៀតណាមប្រចាំនៅប្រទេសចិនបានថ្លែងថា ឆ្លងតាមរយៈសកម្មភាពលើកនេះ ក្មេងជំទង់វៀតណាមបានក្លាយជាមិត្តភ័ក្តិល្អជាមួយកេ្មងចិននិងប្រទេសនានា ហើយនេះក៏ជាឱកាសល្អសម្រាប់ក្មេងៗនៅវៀតណាមទៅដកបទពិសោធន៍ ពីវប្បធម៌ចិនផងដែរ។ រំពឹងថាបន្ទាប់ពីចម្រើនវីយធំដឹងក្តីក្មេងទាំងនេះអាចបន្តពង្រឹងនិងពង្រីកមិត្តភាពជាមួយប្រទេសចិននិងប្រទេសអាស៊ាននានាតទៅទៀត។
សូមបញ្ជាក់ថា សកម្មភាព កេ្មងជំទង់៧ប្រទេសចាប់ដៃគ្នាធ្វើដំណើរនៅប្រទេសចិនគឺរៀបចំឡើងដោយសមាគមសប្បុរសធម៌ចុងហ្វាប្រទេសចិន។ សិស្សានុសិក្សចំនួន២៨នាក់ដែលមកពីប្រទេសចិន កម្ពុជា រៀតណាម ឡាវ មីយ៉ាន់ម៉ាថៃនិងម៉ុងហ្គោលីបានចូលរួមសកម្មភាពដែលមានរយៈពេល១២ថ្ងៃនេះ៕
