ថ្ងៃទី១៦ខែឧសភា លោកស៊ីជីនភីងប្រធានរដ្ឋចិនបានផ្ញើសារជូនចំពោះលោកចូខូ វីដូដូប្រធានាធិបតីឥណ្ឌូណេស៊ីដើម្បីសំដែងការសួរសុខទុក្ខអំពីហេតុការណ៍វាយប្រហារភេរវនិយមដែលកើតឡើងនៅក្រុងSurabaya ប្រទេសឥណ្ឌូណេស៊ី។
ក្នុងសារលិខិត លោកស៊ីជីនភីងបានថ្លែងថា ប្រទេសចិនប្រឆាំងយ៉ាងដាច់ខាតចំពោះអំពើភេរវនិយមតាមគ្រប់រូបភាព ហើយរីករាយក្នុងការរួមសហការជាមួយសហគមន៍អន្តរជាតិក្នុងនោះបូករួមទាំងប្រទេសឥណ្ឌូណេស៊ីផងដើម្បីរួមគ្នាបង្រ្កាបភេរវនិយមនិងគាំពារសុខសន្តិភាពក្នុងតំបន់និងពិភពលោក៕
