ថ្ងៃទី១៧ខែឧសភា ពិព័រណ៍កម្មវិធីភាពយន្តនិងទូរទស្សន៍អន្តរជាតិចិនលើកទី១៥បានសម្ពោធបើកនៅសាលពិព័រណ៍ប៉េកាំង ផលិតករភាពយន្តអន្តរជាតិមកពីប្រទេសនិងតំបន់ជាង៥០បានចូលរួមការតាំងពិព័រណ៌លើកនេះ។
កម្មវិធីដែលចូលរួមតាំងបង្ហាញក្នុងពិព័រណ៍លើកនេះមានខ្លឹមសារយ៉ាងសម្បូរបែបនិងមានចំនួនច្រើនសន្ធឹក។ប្រព័ន្ធសារព័ត៌មាននិងទស្សនិកជនបរទេសដែលចូលរួមពិព័រណ៌លើកនេះបាននាំគ្នាសំដែងការយកចិត្តទុកដាក់និងការស្វាគមន៍ចំពោះស្នាដៃភាពយន្តនិងរឿងភាគដែលប្រកបដោយវប្បធម៌ចិន។
លោកស្រីសឹនជានីងអគ្គនាយកនៃមជ្ឈមណ្ឌលលក់ដូរកម្មវិធីវិទ្យុ ភាពយន្តនិងរឿងភាគចិនបានបង្ហាញថា ពិព័រណ៍កម្មវិធីភាពយន្តនិងទូរទស្សន៍អន្តរជាតិចិនលើកនេះមិនត្រឹមតែរៀបចំជាលើកដំបូងដោយស្ថានីយវិទ្យុនិងទូរទស្សន៍មជ្ឈិមចិនប៉ុណ្ណោះទេប៉ុន្តែថែមទាំងជាពិព័រណ៍កម្មវិធីភាពយន្តនិងទូរទស្សន៍លើកទី១ក្នុងយុគសម័យថ្មីរបស់ប្រទេសចិនទៀតផង ពោល គឺប្រកបដោយសារសំខាន់សម្រាប់ការបង្ហាញដោយគ្រប់ជ្រុងជ្រោយនូវសភាពការណ៍អភិវឌ្ឍនៃមុខរបរភាពយន្តនិងរឿងភាគចិន និងការជំរុញមុខរបរភាពយន្តនិងរឿងភាគចិនឲ្យអភិវឌ្ឍរីកចម្រើនដោយនឹងនរ៕
