ថ្ងៃទី១៦ខែឧសភា នៅក្រុងប៉េកាំង លោកស៊ីជីនភីងអគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិននិងជាប្រធានរដ្ឋចិនបានជួបពិភាក្សាជាមួយគណៈប្រតិភូទស្សនាមិត្តភាពនៃបក្សពលករកូរ៉េខាងជើងដែលដឹកនាំដោយលោកPark Tae–sungសមាជិកការិយាល័យនយោបាយនិងជាអនុប្រធាននៃគណៈកម្មាធិការមជ្ឈិមបក្សពលករកូរ៉េខាងជើង។
ក្នុងកិច្ចជំនួប លោកស៊ីជីនភីងបានថ្លែងថា ប្រទេសចិនរីករាយក្នុងការធ្វើឲ្យស៊ីជម្រៅនូវការផ្លាស់ប្តូរបទពិសោធន៍គ្រប់គ្រងបក្សនិងរដ្ឋជាមួយប្រទេសកូរ៉េខាងជើង ដើម្បីជំរុញបុព្វហេតុកសាងសង្គមនិយមនៃប្រទេសទាំងពីរឲ្យទទួលបានការវិវឌ្ឍរីកចម្រើនថ្មីនិងធំធេង។
ជាការឆ្លើយតប លោកPark Tae–sungបានថ្លែងថា គណៈប្រតិភូទស្សនាមិត្តភាពបានអញ្ជើញមកបំពេញទស្សនកិច្ចនៅប្រទេសចិនលើកនេះគឺក្នុងគោលបំណងអនុវត្តគំនិតឯកភាពសំខាន់នៃថ្នាក់ដឹកនាំកំពូលរបស់បក្សទាំងពីរ រៀនសូត្របទពិសោធន៍ក្នុងកិច្ចកសាងសេដ្ឋកិច្ច កំណែទម្រង់និងបើកទូលាយរបស់ប្រទេសចិន ក្នុងន័យរួមវិភាគទានថ្មីដល់ការពង្រឹងនិងពង្រីកចំណងមិត្តភាពរវាងកូរ៉េខាងជើងនិងចិនដែលថ្នាក់ដឹកនាំនៃបក្សទាំងពីរបានរួមគ្នាជំរុញនិងលើកកម្ពស់ដោយផ្ទាល់៕
