ថ្ងៃទី ១៥ ខែឧសភា សិក្ខាសាលាស្តីពីការផ្លាស់ប្តូរវប្បធម៌មនុស្សជាតិរវាងចិននិងកោះ Sumatera ក្រោមប្រធានបទ ការរំលឹកឡើងវិញនិងការរំពឹងទុកនាពេលអនាគត ដែលរៀបចំដោយស្ថានអគ្គកុងស៊ុលចិនប្រចាំនៅក្រុង Medan ប្រទេសឥណ្ឌូណេស៊ី និងសហការរៀបចំដោយសកលវិទ្យាល័យ Sumateraខាងជើងនៃប្រទេសឥណ្ឌូណេស៊ីនិងវិទ្យាស្ថានមិត្តភាពអន្តរជាតិនៃអាស៊ីបានប្រារព្ធធ្វើនៅក្រុង Medan ទីរួមខេត្ត Sumateraខាងជើងនៃប្រទេសឥណ្ឌូណេស៊ី ។
ក្នុងពិធីបើកសិក្ខាសាលា លោក Sun Ang អគ្គកុងស៊ុលនៃស្ថានអគ្គកុងស៊ុលចិនប្រចាំនៅក្រុង Medan ប្រទេសឥណ្ឌូណេស៊ីបានថ្លែងសុន្ទរកថាដែលមានចំណងជើងថា ជំរុញការផ្លាស់ប្តូរវប្បធម៌ដើម្បីអភិវឌ្ឍទំនាក់ទំនងមេត្រីភាព ។ លោកបានបកស្រាយពីការពិតជាក់ស្តែងក្នុងប្រវត្តិសាស្ត្រអំពីការផ្លាស់ប្តូរវប្បធម៌រវាងចិននិងSumatera ក៏ដូចជាមរតកវប្បធម៌ដែលឥណ្ឌូណេស៊ីបានបន្សល់ទុករហូតដល់សព្វថ្ងៃ ព្រមទាំងបានអធិប្បាយពីតួនាទីដ៏សំខាន់នៃការផ្លាស់ប្តូរវប្បធម៌មនុស្សជាតិសម្រាប់ការជំរុញទំនាក់ទំនងមេត្រីភាពរវាងប្រទេសទាំងពីរចិននិងឥណ្ឌូណេស៊ីផងដែរ ៕