ថ្ងៃទី១៤ខែឧសភា ក្រុមប្រឹក្សាសន្តិសុខនៃអង្គការសហប្រជាជាតិបានចេញសេចក្តីថ្លែងការណ៍ ដើម្បីថ្កោលទោសយ៉ាងខ្លាំងចំពោះហេតុការណ៍វាយប្រហារដោយភេរវកម្មមួយចំនួនដែលកើតឡើងនៅប្រទេសឥណ្ឌូណេស៊ីក្នុងរយៈពេល២ថ្ងៃកន្លងទៅនេះ និងបានសម្តែងសមានចិត្តនិងការសួរសុខទុក្ខយ៉ាងក្រៀមក្រំចំពោះក្រុមគ្រួសារនៃអ្នករងគ្រោះគ្មានទោសពៃរ៍និងរដ្ឋាភិបាលឥណ្ឌូណេស៊ី។
សេចក្តីថ្លែងការណ៍របស់ក្រុមប្រឹក្សាសន្តិសុខបានបញ្ជាក់ថា ចាំបាច់ត្រូវផ្តន្ទាទោសតាមច្បាប់ចំពោះជនបង្ក អ្នករៀបចំចាត់ចែង អ្នកផ្តល់ប្រាក់ទុននិងអ្នកគាំទ្រអំពើភេរវនិយមបែបនេះ ក្នុងពេលជាមួយគ្នានេះ ក៏បានដាស់តឿនប្រទេសទាំងអស់ឲ្យអនុលោមតាមច្បាប់អន្តរជាតិនិងកាតព្វកិច្ចដែលបានកំណត់ក្នុងសេចក្តីសម្រេចចិត្តពាក់ព័ន្ធនៃក្រុមប្រឹក្សាសន្តិសុខ ធ្វើកិច្ចសហប្រតិបត្តិការយ៉ាងសកម្មជាមួយរដ្ឋាភិបាលឥណ្ឌូណេស៊ីនិងស្ថាប័នមានសមត្ថកិច្ចពាក់ព័ន្ធផ្សេងទៀត៕