លោកGuterresអគ្គលេខាធិការអង្គការសហប្រជាជាតិថ្កោល​ទោសចំពោះ​ហេតុការណ៍​វាយ​ប្រហារ​ដោយ​ការ​បំផ្ទុះ​បែបអត្តឃាត​ដែល​កើត​ឡើង​នៅ​ប្រទេស​ឥណ្ឌូណេស៊ី

2018-05-14 14:18:25  cri  Web Editor:Zheng

   ថ្ងៃ​ទី​១៣​ខែ​ឧសភា លោកGuterresអគ្គលេខាធិការអង្គការសហប្រជាជាតិបាន​ចេញ​សេចក្តី​ថ្លែង​ការណ៍​តាម​រយៈអ្នក​នាំ​ពាក្យ​របស់​លោក ដើម្បី​ថ្កោល​ទោសចំពោះ​ហេតុ​ការ​ណ៍​វាយ​ប្រហារ​ដោយ​ការ​បំផ្ទុះ​បែបអត្តឃាត​ដែល​បាន​កើត​ឡើង​នៅ​ប្រទេស​ឥណ្ឌូណេស៊ីនៅ​ថ្ងៃ​ដដែល​នោះ។

      សេចក្តី​ថ្លែង​ការណ៍​បាន​ឲ្យ​ដឹង​ថា លោកGuterresបាន​សម្តែង​ការ​ភ្ញាក់​ផ្អើរយ៉ាង​ខ្លាំង​ចំពោះ​ការ​ផ្សាយ​ដំណឹង​អំពី​ការ​ប្រើ​ប្រាស់​កុមារ​ឲ្យ​បង្ក​ការ​វាយ​ប្រហារ។លោក​បាន​សម្តែង​ការ​សួរ​សុខ​ទុក្ខ​ចំពោះ​ក្រុម​គ្រួសារ​នៃ​អ្នក​រង​គ្រោះ ហើយ​ជូន​ពរ​អ្នក​រង​របួស​ឲ្យ​ឆាប់​បាន​ជា​សះ​ស្បើយ។

      ក្នុង​សេចក្តី​ថ្លែង​ការណ៍ លោកGuterresបាន​រំលឹក​ឡើងវិញ​ថា អង្គការ​សហ​ប្រជា​ជាតិ​គាំទ្រ​ការ​ខិត​ខំ​ប្រឹង​ប្រែង​របស់​រដ្ឋាភិបាល​និង​ប្រជាជន​ឥណ្ឌូណេស៊ីក្នុង​ការ​បង្រ្កាប​និង​បង្ការ​ចំពោះ​ភេរវ​និយម​និង​កម្លាំង​ហិង្សា​ជ្រុលនិយម៕

 

ទាក់ទង​ជាមួយ​យើង​ខ្ញុំ