កូរ៉េខាងជើងប្រកាសថានឹងបោះបង់ចោលកន្លែងសាកល្បងនុយគ្លែអ៊ែរនៅតំបន់ភាគខាងជើងនាចុងខែឧសភាខាងមុខ

ទីភា្នក់ងារព័ត៌មានមជ្ឈិមកូរ៉េខាងជើងបានសំអាងតាមសេចក្តីប្រកាសនៃក្រសួងការបរទេសកូរ៉េខាងជើងឲ្យដឹងនៅថ្ងៃទី១២ខែឧសភាថា តាមការប៉ាន់ប្រមាណថា ពិធីបោះបង់ចោលកន្លែងសាកល្បងនុយគ្លែអ៊ែរនៅតំបន់ភាគខាងជើងនឹងត្រូវធ្វើដោយជ្រើសរើសអាស្រ័យនឹងលក្ខខ័ណ្ឌធាតុអាកាសនៅថ្ងៃទី២៣ដល់២៥ខែឧសភាខាងមុខ ហើយសកម្មភាពលើកនេះនឹងអនុញ្ញត្តិឲ្យក្រុមអ្នកយកព័ត៌មានអន្តរជាតិយកព័ត៌មាននៅហ្នឹងកន្លែង។

សេចក្តីប្រកាសបានឲ្យដឹងថា ដល់ពេលធ្វើការបោះបង់ចោល នឹងប្រើមធ្យោបាយបំផ្ទុះដើម្បីឲ្យផ្លូវរូងក្រោមដីរលំ បិទទ្វារចូលទាំងស្រុង បន្ទាប់មកនឹងដោះចេញបរិក្ខារឃ្លាំងមើលទាំងអស់ អាគារនៃមន្ទីរស្រាវជ្រាវនិងអាគារកងទ័ពការពារសន្តិសុខលើដី បន្ថែមពីនេះនឹងឲ្យបុគ្គលិកស្រាវជ្រាវនិងការពារសន្តិសុខជាដើមចាកចេញ និងបិទទាំងស្រុងនូវតំបន់ជុំវិញកន្លែងសាកល្បងនុយគ្លែអ៊ែរ។