លោក Mohammad Javad Zarif រដ្ឋមន្ត្រីក្រសួងការបរទេសអ៊ីរ៉ង់នឹងមកបំពេញទស្សនកិច្ចការងារនៅប្រទេសចិន

លោក Geng Shuang អ្នកនាំពាក្យក្រសួងការបរទេសចិនបានប្រកាសកាលពីថ្ងៃទី១២ខែឧសភា ថា តបតាមសេចក្តីអញ្ជើញរបស់លោកវ៉ាងយី សមាជិកក្រុមប្រឹក្សាកិច្ចការរដ្ឋចិននិងជារដ្ឋមន្ត្រីក្រសួងការបរទេសចិន លោក Mohammad Javad Zarif រដ្ឋមន្ត្រីក្រសួងការបរទេសអ៊ីរ៉ង់នឹងមកបំពេញទស្សនកិច្ចការងារនៅប្រទេសចិនចាប់ពីថ្ងៃទី១៣ ខែឧសភា។

លោក Geng Shuang បានថែ្លងថា ដំណើរទស្សនកិច្ចរបស់លោក Mohammad Javad Zarif រដ្ឋមន្ត្រីក្រសួងការបរទេសអ៊ីរ៉ង់នឹងរួមមានទាំង ប្រទេសចិន ប្រទេសរុស្ស៊ីនិងបណ្តាប្រទេសអឺរ៉ុបមួយចំនួន នឹងធ្វើការផ្លាស់ប្តូរមតិគ្នាជាមួយភាគីពាក់ព័ន្ធស្តីពីការអភិវឌ្ឍនៃស្ថានការណ៍នុយក្លេអ៊ែរអ៊ីរ៉ង់នាពេលបច្ចុប្បន្នផងដែរ៕