លោក ស៊ីជីនភីង ប្រធានរដ្ឋចិនផ្ញើសារលិខិតជូនសិក្ខាសាលាអន្តរជាតិស្តីពីខួប១០ឆ្នាំនៃគ្រោះរញ្ជួយដីស្រុក Wenchuan និងសិក្ខាសាលាអន្តរជាតិស្តីពីគ្រោះរញ្ជួយដីមហាដីគោកលើកទី៤

ថ្ងៃទី១២ខែឧសភា សិក្ខាសាលាអន្តរជាតិស្តីពីខួប១០ឆ្នាំនៃគ្រោះរញ្ជួយដីស្រុក Wenchuan និងសិក្ខាសាលាអន្តរជាតិស្តីពីគ្រោះរញ្ជួយដីនៃមហាដីគោកលើកទី៤បានបើកធ្វើនៅក្រុង Chengdu ខេត្ត Sichuan ប្រទេសចិន លោកស៊ីជីនភីង ប្រធានរដ្ឋចិនបានផ្ញើសារលិខិតជូនសិក្ខាសាលានេះ ។

លោក ស៊ីជីនភីង បានថ្លែងថា ឆ្នាំ២០១៨នេះជាខួប១០ឆ្នាំនៃគ្រោះរញ្ជួយដីស្រុក Wenchuan ។ ក្រោមការដឹកនាំដ៏រឹងមាំរបស់បក្សកុម្មុយនិស្តចិន ការងារកសាងតំបន់រងគ្រោះរញ្ជួយដីស្រុក Wenchuan ជាថ្មីឡើងវិញបានទទួលសមិទ្ធផលគួរឲ្យភ្ញាក់ផ្អើល ដែលបានផ្តល់បទពិសោធន៍និងមេរៀនដ៏មានផលប្រយោជន៍សម្រាប់សហគមន៍អន្តរជាតិធ្វើការងារកសាងជាថ្មីឡើងវិញបន្ទាប់ពីគ្រោះមហន្តរាយ ។

លោក ស៊ីជីនភីង បានគូសបញ្ជាក់ថា ស្វែងយល់ក្បួនគ្រោះមហន្តរាយតាមវិទ្យាសាស្ត្រ កាត់បន្ថយគ្រោះមហន្តរាយនិងហានិភ័យដោយមានប្រសិទ្ធិភាពនិងសម្រេចភាពចុះសម្រុងគ្នារវាងមនុស្សជាតិនិងធម្មជាតិ គឺត្រូវធ្វើការជាមួយសហគមន៍អន្តរជាតិ ។ ប្រទេសចិននឹងប្រកាន់ខ្ជាប់ទស្សនៈអភិវឌ្ឍដែលយកប្រជាជនជាស្នូល ប្រកាន់ខ្ជាប់ការយកការបង្ការជាសំខាន់និងគួបផ្សំការបង្ការគ្រោះមហន្តរាយ ទប់ទល់គ្រោះមហន្តរាយនិងជួយសង្គ្រោះគ្រោះមហន្តរាយ លើកកម្ពស់សមត្ថភាពបង្ការគ្រោះមហន្តរាយចម្រុះដោយគ្រប់ជ្រុងជ្រោយ ដើម្បីផ្តល់ការធានាសន្តិសុខដ៏រឹងមាំចំពោះអាយុជីវិតនិងទ្រព្យសម្បត្តិរបស់ប្រជាជន ។