កាលពីថ្ងៃទី ១១ ខែឧសភា លោកZhaoKezhi សមាជិកក្រុមប្រឹក្សាកិច្ចការរដ្ឋចិននិងជារដ្ឋមន្ត្រីក្រសួងសន្តិសុខសាធារណៈចិនបានជួបពិភាក្សាជាមួយសម្តេចសខេង ឧបនាយករដ្ឋមន្ត្រីនិងជារដ្ឋមន្រ្តីក្រសួងមហាផ្ទៃកម្ពុជានៅរដ្ឋធានីភ្នំពេញ ។
លោកZhaoKezhi បានថ្លែងថា ភាគីចិននឹងប្រកាន់ខ្ជាប់ទស្សនៈរបស់
លោកប្រធានរដ្ឋចិនស៊ីជីនភីងស្តីពីការកសាងសហគមន៍រួមវាសនានៃមនុស្សជាតិ យកខួបទី ៦០ នៃការបង្កើតទំនាក់ទំនងផ្លូវទូតរវាងប្រទេសទាំងពីរជាឱកាស ធ្វើឲ្យស៊ីជម្រៅឥតឈប់ឈរនូវកិច្ចសហប្រតិបត្តិការជាក់ស្តែងខាងសន្តិសុខអនុវត្តច្បាប់រវាងភាគីទាំងពីរ លើកកម្ពស់កម្រិតសហប្រតិបត្តិការជាយុទ្ធសាស្ត្រគ្រប់ជ្រុងជ្រោយខាងសន្តិសុខអនុវត្តច្បាប់រវាងចិននិងកម្ពុជាក្នុងយុគសម័យថ្មី ជំរុញកិច្ចសហប្រតិបត្តិការអនុវត្តច្បាប់រវាងចិននិងកម្ពុជារីកចម្រើនទៅមុខឥតឈប់ឈរ ។ សង្ឃឹមផ្នែកអនុវត្តច្បាប់នៃភាគីទាំងពីរអនុវត្តដោយផ្ចិតផ្ចង់នូវមតិឯកភាពគ្នានៃថ្នាក់ដឹកនាំប្រទេសទាំងពីរ ធ្វើឲ្យយន្តការសហប្រតិបត្តិការមានភាពពេញលេញ ច្នៃប្រឌិតថ្មីនូវរូបមន្តសហប្រតិបត្តិការ បង្កើនកិច្ចសហប្រតិបត្តិការថែមទៀតក្នុងការគាំពារសន្តិសុខជាតិ ការទប់ទល់នឹងហានិភ័យបណ្តាញអ៊ីនធើណេត ការវាយប្រហារការបោកបញ្ឆោតតាមបច្ចេកវិទ្យាទូរគមនាគមន៍ ល្បែងស៊ីសងតាមបណ្តាញអ៊ីនធើណេតនិងគ្រឿងញៀន ការប្រឆាំងភេរវកម្ម ការចាប់ឧក្រិដ្ឋជនដែលបានគេចខ្លួននិងការដកទ្រព្យសម្បត្តិខុសច្បាប់ជាដើម ពួតដៃគ្នាជំរុញកិច្ចសហប្រតិបត្តិការការពារសន្តសុខលើគម្រោងសំខាន់ៗពាក់ព័ន្ធនឹងខ្សែក្រវាត់មួយនិងផ្លូវមួយ គាំពារដោយប្រាកដប្រជានូវសន្តិសុខនិងស្ថិរភាពប្រទេសទាំងពីរ ដើម្បីផ្តល់ផលប្រយោជន៍ដល់ប្រជាជននៃប្រទេសទាំងពីរ ។
សម្តេចសខេងវាយតម្លៃយ៉ាងវិជ្ជមានចំពោះសមិទ្ធផលនៃកិច្ចសហប្រតិបត្តិការខាងសន្តិសុខអនុវត្តច្បាប់រវាងកម្ពុជានិងចិន យកខួបទី ៦០ នៃការបង្កើតទំនាក់ទំនងផ្លូវទូតរវាងប្រទេសទាំងពីរជាចំណុចចាប់ផ្តើមថ្មី បង្កើនការកសាងកិច្ចសហប្រតិបត្តិការជាក់ស្តែងក្នុងការគាំពារសន្តិសុខជាតិ ការបង្ក្រាបឧក្រិដ្ឋកម្មឆ្លងដែនបែបថ្មីនិងការការពារសន្តិសុខក្នុងការកសាងខ្សែក្រវាត់មួយនិងផ្លូវមួយថែមទៀត ដើម្បីជំរុញឲ្យកិច្ចសហប្រតិបត្តិការខាងអនុវត្តច្បាប់រវាងប្រទេសទាំងពីរទទួលបានការរីកចម្រើនថ្មីឥតឈប់ឈរ ៕
