តាមការផ្សាយដំណឹងឲ្យដឹងថា កាលពីយប់ថ្ងៃទី១០ ខែឧសភា លោក Mahathir Bin Mohamad ប្រធានកិត្តិយសនៃគណបក្ស"សម្ព័ន្ធក្តីសង្ឃឹម"នៃប្រទេសម៉ាឡេស៊ីបានធ្វើសច្ចាប្រណិធានឡើងកាន់តំណែងជានាយករដ្ឋមន្ត្រី។លោក Geng Shuang អ្នកនាំពាក្យក្រសួងការបរទេសចិនបានសំដែងការអបអរសាទរចំពោះការនេះ។
លោក Geng Shuang បានថែ្លងក្នុងសន្និសីទសារព័ត៌មានជាប្រចាំថា លោក Mahathir Bin Mohamad គឺជាអ្នកនយោបាយជើងចាស់ដែលបានរួមចំណែកយ៉ាងសំខាន់និងវិជ្ជមានដល់ការអភិវឌ្ឍប្រទេសម៉ាឡេស៊ីនិងសមាគមអាស៊ានព្រមទាំងទំនាក់ទំនងរវាងចិននិងម៉ាឡេស៊ីនិងកិច្ចសហប្រតិបត្តិការនៅតំបន់អាស៊ីបូព៌ា។ភាគីចិនសូមសំដែងការអបអរសាទរចំពោះលោកក្លាយជានាយករដ្ឋមន្ត្រីម៉ាឡេស៊ី ហើយជឿជាក់ថា ក្រោមការដឹកនាំរបស់លោក ការកសាងជាតិម៉ាឡេស៊ីនឹងទទួលបានសមិទ្ធផលថ្មី ហើយទំនាក់ទំនងភាពជាដៃគូយុទ្ធសាស្រ្តគ្រប់ជ្រុងជ្រោយរវាងចិននិងម៉ាឡេស៊ីនឹងបន្តអភិវឌ្ឍទៅមុខដោយដោយនឹងនរជាបន្តបន្ទាប់ថែមទៀត៕
