ថ្ងៃទី១០ខែឧសភា សិក្ខាសាលាព័ត៌មានចិន ជប៉ុននិងកូរ៉េខាងត្បូងលើកទី៦ដែលរៀបចំឡើងដោយសមាគមអ្នកកាសែតចិននិងសហការរៀបចំដោយស្ថានីយវិទ្យុនិងទូរទស្សន៍មជ្ឈិមចិនបានបើកធ្វើនៅក្រុងប៉េកាំង ។ តំណាងនៃប្រព័ន្ធសារព័ត៌មានសំខាន់ៗចំនួនជិត៤០ដែលមកពីប្រទេសចិន ជប៉ុននិងកូរ៉េខាងត្បូងបានចូលរួមសិក្ខាសាលានេះ ។
លោកស្រី Wang Dongmei ប្រធានគណៈប្រតិភូរបស់ភាគីចិននិងជាលេខាធិការនៃលេខាធិការដ្ឋាននៃសមាគមអ្នកកាសែតចិនបានធ្វើជាអធិបតីនៃសិក្ខាសាលាលើកនេះ ។ លោកស្រីបានថ្លែងថា ឆ្នាំ២០១៨នេះជាខួបឆ្នាំទី១០នៃការបង្កើតយន្តការផ្លាស់ប្តូរសិក្ខាសាលាព័ត៌មានចិន ជប៉ុននិងកូរ៉េខាងត្បូង ឆ្លងតាមរយៈការខិតខំប្រឹងប្រែងរួមឥតឈប់ឈររបស់ភាគីទាំងបី យន្តការនេះបានក្លាយទៅជាវេទិកាផ្លាស់ប្តូរព័ត៌មានដ៏សំខាន់សម្រាប់មជ្ឈដ្ឋានព័ត៌មាននៃប្រទេសទាំងបី ដែលទទួលបានការយកចិត្តទុកដាក់ខ្ពស់ពីបណ្តាភាគីនានា ។
