នាព្រឹកថ្ងៃទី ១០ ខែឧសភាតាមម៉ោងតំបន់ លោកលីខឺឈាំង នាយករដ្ឋមន្ត្រីចិនបានអញ្ជើញចូលគាល់ព្រះចៅអធិរាជជប៉ុន Akihitoនៅព្រះបរមរាជវាំងក្រុងតូក្យូ ប្រទេសជប៉ុន ។
លោកលីខឺឈាំង បានថ្លែងថា ឆ្នាំនេះចំពេលខួបឆ្នាំទី៤០នៃការចុះហត្ថលេខាលើសន្ធិសញ្ញាសន្តិភាពនិងមិត្តភាពរវាងចិននិងជប៉ុន ។ ប្រទេសចិនរំពឹងទុកថា ឆ្លងតាមរយៈដំណើរទស្សនកិច្ចលើកនេះនឹងរំលឹកឡើងវិញនូវស្មារតីនៃសន្ធិសញ្ញានេះ ដើម្បីជំរុញឲ្យទំនាក់ទំនងរវាងចិននិងជប៉ុនឲ្យវិលត្រឡប់ទៅកាន់ផ្លូវត្រឹមត្រូវវិញព្រមទាំងទទួលការអភិវឌ្ឍថ្មីថែមទៀត ។
ព្រះចៅអធិរាជជប៉ុន Akihitoបានមានព្រះបន្ទូលថា ទ្រង់មានក្តីសោមនស្សរីករាយណាស់ចំពោះដំណើរទស្សនកិច្ចផ្លូវការរបស់លោកលីខឺឈាំងនៅប្រទេសជប៉ុនក្នុងឆ្នាំដ៏សំខាន់មួយនេះ រំពឹងទុកថា ឆ្លងតាមរយៈដំណើរទស្សនកិច្ចលើកនេះនឹងបន្តពង្រឹងនិងពង្រីកទំនាក់ទំនងរវាងជប៉ុននិងចិនថែមទៀត ហើយសូមជូនពរដំណើរទស្សនកិច្ចរបស់លោកលីខឺឈាំងនៅជប៉ុនទទួលបានលទ្ធផលផ្លែផ្កា ។
