នាយករដ្ឋមន្រ្តីចិនជួបពិភាក្សាជាមួយអ្នកទទួលខុសត្រូវនៃបក្សមិនកាន់អំណាចនៃជប៉ុន

រសៀលថ្ងៃទី១០ខែឧសភាតាមម៉ោងតំបន់ លោកLiKeqiangនាយករដ្ឋមន្រ្តីចិនបានជួបពិភាក្សាជាមួយអ្នកទទួលខុសត្រូវនៃបក្សមិនកាន់អំណាចនៃប្រទេសជប៉ុននៅទីក្រុងតូក្យូ។តំណាងនៃបក្សប្រជាធិបតេយ្យរដ្ឋធម្មនុញ្ញ តំណាងនៃបក្សប្រជាធិបតេយ្យជាតិ ប្រធាននៃបក្សកុម្មុយនិស្តជប៉ុន និងមេដឹកនាំនៃបក្សប្រជាធិបតេយ្យសង្គមបានចូលរួម។

លោកLiKeqiangបានគូសបញ្ជាក់ថា ឆ្នាំនេះជាខួបទី៤០នៃការចុះហត្ថលេខាលើសន្ធិសញ្ញាសន្តិភាពនិងមេត្រីភាពរវាងប្រទេសចិននិងជប៉ុន យើងគួរតែរំលឹកស្មារតីនៃសន្ធិសញ្ញានេះឡើងវិញ គោរពតាមគោលការណ៍នៃសន្ធិសញ្ញា មានតែធ្វើយ៉ាងនេះទើបអាចកែឲ្យត្រឹមត្រូវនូវទិសដៅនៃការរីកចំរើននៃទំនាក់ទំនងរវាងចិននិងជប៉ុន ធ្វើឲ្យទំនាក់ទំនងរវាងចិននិងជប៉ុនអភិវឌ្ឍន៍តាមផ្លូវដ៏ត្រឹមត្រូវ។សង្ឃឹមបក្សនយោបាយដែលមានវត្តមានអាចធ្វើការខិតខំប្រឹងប្រែងយ៉ាងសកម្មដើម្បីជំរុញទំនាក់ទំនងរវាងប្រទេសទាំងពីរអភិវឌ្ឍន៍ដោយបរិសុទ្ធនិងនឹងនរ។

អ្នកទទួលខុសត្រូវនៃបក្សមិនកាន់អំណាចនៃជប៉ុនដែលមានវត្តមានក្នុងជំនួបពិភាក្សាបានថ្លែងថា ភាគីជប៉ុនកោតសរសើរដំណើរទស្សនកិច្ចរបស់លោកLiKeqiangនាយករដ្ឋមន្រ្តីចិនដោយបានធ្វើឲ្យទំនាក់ទំនងនៃប្រទសេទាំងពីរវិលទៅកាន់ផ្លូវដ៏ត្រឹមត្រូវឡើងវិញ ហើយបានបោះជំហានសំខាន់មួយទៅមុខទៀត។សង្ឃឹមអាចឆ្លៀតយកឱកាសខួបទី៤០នៃការចុះហត្ថលេខាលើសន្ធិសញ្ញាសន្តិភាពនិងមេត្រីភាពរវាងប្រទេសជប៉ុននិងចិននេះ បន្តធ្វើការផ្លាស់ប្តូរនិងកិច្ចសហប្រតិបត្តិការកាន់តែទូលាយ ធ្វើឲ្យការផ្លាស់ប្តូររវាងបក្សនយោបាយ សមាជិកសភា យុវជនជាដើមនៃប្រទេសទាំងពីរបន្តរួមវិភាគទានថ្មីសម្រាប់ការអភិវឌ្ឍនៃទំនាក់ទំនងរវាងជប៉ុននិងចិន។