ព្រឹកថ្ងៃទី២១ខែមីនា គណៈកម្មាធិការអចិន្រ្តៃយ៍នៃសភាតំណាងប្រជាជនទូទាំងប្រទេសចិននីតិកាលទី១៣បានរៀបចំធ្វើពិធីសច្ចាប្រណិធានចំពោះរដ្ឋធម្មនុញ្ញនៅវិមានសភាប្រជាជន។លោកLiZhanshuប្រធានគណៈកម្មាធិការអចិន្រ្តៃយ៍នៃសភាតំណាងប្រជាជនទូទាំងប្រទេសចិនបានធ្វើជាអធិបតី។
សូមបញ្ជាក់ថា សន្និបាតលើកទី១នៃគណៈកម្មាធិការអចិន្រ្តៃយ៍នៃសភាតំណាងប្រជាជនទូទាំងប្រទេសចិននីតិកាលទី១៣ដែលទើបបានបិទបញ្ចប់បានតែងតាំងអគ្គលេខាធិការរងនៃគណៈកម្មាធិការអចិន្រ្តៃយ៍នៃសភាតំណាងប្រជាជនទូទាំងប្រទេសចិន ប្រធានគណៈកម្មាការការងារថវិកា ប្រធានអាណត្តិទី៤នៃគណៈកម្មាធិការច្បាប់មូលដ្ឋាននៃតំបន់រដ្ឋបាលពិសេសហុងកុង និងប្រធានអាណត្តិទី៤នៃគណៈកម្មាធិការច្បាប់មូលដ្ឋាននៃតំបន់រដ្ឋបាលពិសេសម៉ាកាវ។យោងតាមសេចក្តីសម្រេចរបស់គណៈកម្មាធិការអចិន្រ្តៃយ៍នៃសភាតំណាងប្រជាជនទូទាំងប្រទេសចិនស្តីពីការអនុវត្តរបបធ្វើសច្ចាប្រណិធានចំពោះរដ្ឋធម្មនុញ្ញ មន្រ្តីដូចពោលខាងលើបានធ្វើសច្ចាប្រណិធានចំពោះរដ្ឋធម្មនុញ្ញតាមច្បាប់៕