ព្រឹកថ្ងៃទី ១៨ ខែមីនានៅក្រុងប៉េកាំង មហាសន្និបាតលើកទី ១ នៃសភាតំណាងប្រជាជនទូទាំងប្រទេសចិននីតិកាលទី ១៣ បានធ្វើការបោះឆ្នោតសម្រេចជ្រើសតាំងលោកលីខឹឈាង ជានាយករដ្ឋមន្ត្រីក្រុមប្រឹក្សាកិច្ចការរដ្ឋចិន ហើយលោក Yang Xiaoduជាប់ជាប្រធានគណៈកម្មាធិការអធិការកិច្ចជាតិចិន ។
អង្គមហាសន្និបាតនៅបានបោះឆ្នោតសម្រេចជ្រើសតាំងលោក Xu Qiliangនិងលោក Zhang Youxiaជាអនុប្រធានគណៈកម្មាធិការយោធាមជ្ឈិមចិន ជ្រើសតាំងលោកZhou qiangជាប្រធានតុលាការប្រជាជនកំពូលនិងលោក Zhang junជាប្រធានសាលាអយ្យការប្រជាជនកំពូល ។
តាមការកំណត់នៃរដ្ឋធម្មនុញ្ញចិន បេក្ខជនឈរឈ្មោះជានាយករដ្ឋមន្ត្រីក្រុមប្រឹក្សាកិច្ចការរដ្ឋចិនត្រូវបានលើកឈ្មោះដោយប្រធានរដ្ឋចិន បេក្ខជនឈរឈ្មោះជាអនុប្រធានគណៈកម្មាធិការយោធាមជ្ឈិមចិនគឺត្រូវបានលើកឈ្មោះដោយប្រធានគណៈកម្មាធិការយោធាមជ្ឈិមចិន ហើយប្រគល់ឲ្យសន្និសីទពេញអង្គនៃមហាសន្និបាតធ្វើការបោះឆ្នោតសម្រេច ។