លោកលីខឹឈាង លោកលីចាន់ស៊ូ លោកវ៉ាងយ៉ាង លោកវ៉ាងហ៊ូនីង លោកចាវឡឺជី លោកហានចឹងចូលរួមដោយឡែកពីគ្នាក្នុងកិច្ចប្រជុំពិនិត្យពិភាក្សានៃគណៈប្រតិភូតំណាងរាស្ត្រមួយចំនួនក្នុងមហាសន្និបាតសភាតំណាងប្រជាជនទូទាំងប្រទេសចិន

ព្រឹកថ្ងៃទី ១២ ខែមីនា លោក លី ខឹឈាង សមាជិកអចិន្ត្រៃយ៍នៃការិយាល័យនយោបាយមជ្ឈិមបក្សកម្មុយនិស្តចិននិងជានាយករដ្ឋមន្ត្រីនៃក្រុមប្រឹក្សាកិច្ចការរដ្ឋចិន , លោក លី ចាន់ស៊ូ សមាជិកអចិន្ត្រៃយ៍នៃការិយាល័យនយោបាយមជ្ឈិមបក្សកម្មុយនិស្តចិន, លោក វ៉ាង យ៉ាង សមាជិកអចិន្ត្រៃយ៍នៃការិយាល័យនយោបាយមជ្ឈិមបក្សកម្មុយនិស្តចិននិងជាឧបនាយករដ្ឋមន្ត្រីចិន , លោក វ៉ាង ហ៊ូនីង សមាជិកអចិន្ត្រៃយ៍នៃការិយាល័យនយោបាយមជ្ឈិមបក្សកម្មុយនិស្តចិននិងជាលេខាធិការនៃលេខាធិការដ្ឋានមជ្ឈិមបក្សកុម្មុយនិស្តចិន , លោក ចាវ ឡឺជី សមាជិកអចិន្ត្រៃយ៍នៃការិយាល័យនយោបាយមជ្ឈិមបក្សកម្មុយនិស្តចិននិងជាលេខាធិការនៃគណៈកម្មាធិការត្រួតពិនិត្យវិន័យនៃមជ្ឈិមបក្សកុម្មុយនិស្តចិន , លោក ហាន ចឹង សមាជិកអចិន្ត្រៃយ៍នៃការិយាល័យនយោបាយមជ្ឈិមបក្សកម្មុយនិស្តចិនបានអញ្ជើញចូលរួមដាច់ដោយឡែកពីគ្នាក្នុងកិច្ចប្រជុំពិនិត្យពិភាក្សានៃគណៈប្រតិភូតំណាងប្រជាជនមួយចំនួនក្នុងមហាសន្និបាតលើកទីមួយនៃសភាតំណាងប្រជាជនទូទាំងប្រទេសចិននីតិកាលទី ១៣ ។

លោក លឺ ខឹឈាង បានចូលរួមកិច្ចប្រជុំពិនិត្យពិភាក្សានៃគណៈប្រតិភូតំណាងប្រជាជនខេត្ត ហូណាន ។ លោកសង្ឃឹមថាខេត្តហូណានអាចផ្តោតសំខាន់ទៅលើការដោះស្រាយបញ្ហាអតុល្យភាពនិងភាពមិនពេញលេញនៃការអភិវឌ្ឍ ត្រូវតែប្រកាន់ខ្ជាប់ការធ្វើកំណែទម្រង់និងបើកចំហដោយឥតឈប់ឈរ បង្កបង្កើតជាបរិយាកាសពាណិជ្ជកម្ម ដែលមានអំណោយផលដល់ការបង្កើតមុខរបរនិងការច្នៃប្រឌិតថ្មី ដែលគ្រប់គ្រងតាមច្បាប់ មានយុត្តធម៌ និងមានភាពងាយស្រួលដល់ការប្រកបអាជីវកម្ម ខិតខំជំរុញការកែប្រែទម្រង់អភិវឌ្ឍន៍និងលើកកំពស់កម្រិតសេដ្ឋកិច្ចពិត ព្រមទាំងគាំទ្រឲ្យឧស្សាហកម្មផលិតគ្រឿងសម្ភារបរិក្ខារជឿនលឿនចូលរួមការប្រកួតប្រជែងអន្តរជាតិ ដើម្បីបន្តឈានមុខគេក្នុងដំណើរការងើបឡើងនៃតំបន់ភាគកណ្តាលនៃប្រទេសចិនតទៅទៀត៕