គណៈកម្មាធិការមជ្ឈិមបក្សកុម្មុយនិស្តចិនបង្កើតស្ថាប័នដឹកនាំ អាណត្តិថ្មី ឥស្សរជនក្នុងនិងក្រៅប្រទេសរំពឹងទុកចំពោះអនាគតនៃប្រទេសចិន

ថៃ្ងទី២៥ ខែតុលា សន្និសីទពេញអង្គលើកទី១នៃគណៈកម្មាធិការមជ្ឈិមបក្សកុម្មុយនិស្តចិន អាណត្តិទី១៩បានបង្កើតស្ថាប័នដឹកនាំរបស់មជ្ឈិមបក្សកុម្មុយនិស្តចិនអាណត្តិថ្មីដែលយកលោកស៊ីជីនភីងជាប្រមុខ។ពេលសមាជិកគណៈអចិន្ត្រៃយ៍នៃការិយាល័យនយោបាយមជ្ឈិមចិន អាណត្តិថ្មីបានជួបជាមួយអ្នកសារព័ត៌មានជាតិនិងអន្តរជាតិ លោកស៊ីជីនភីងបានលើកឡើងនូវទិសដៅអភិវឌ្ឍន៍តាមរយៈពេល៥ឆ្នាំទៅមុខទៀតនៃប្រទេសចិន ហើយបានលើកឡើងនូវទិសដៅការងារសម្រាប់រយៈពេល៥ឆ្នាំខាងមុខនេះនៃគណបក្សទាំងមូលផងដែរ។ឥស្សរជនជាតិនិងអន្តរជាតិបានវាយតមៃ្លខ្ពស់នូវសុន្ទរកថារបស់លោកស៊ីជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិនដើម្បីបំពេញក្តីរំពឹងទុកចំពោះការអភិវឌ្ឍនាពេលអនាគតនៃប្រទេសចិន៕