ថ្ងៃទី ១៣ ខែឧសភា នៅក្រុងប៉េកាំង លោកគួ សឹងគុន សមាជិកទីប្រឹក្សាកិច្ចការរដ្ឋចិននិងជារដ្ឋមន្រ្តីក្រសួងសន្តិសុខសាធារណៈប្រទេសចិនបានជួបពិភាក្សាការងារជាមួយលោក Antonio Guterres អគ្គលេខាធិការអង្គការសហប្រជាជាតិដែលអញ្ជើញមកចូលរួមវេទិកាកំពូលសម្រាប់កិច្ចសហប្រតិបត្តិការអន្តរជាតិស្តីពីយុទ្ធសាស្រ្តខ្សែក្រវាត់មួយនិងផ្លូវមួយនៅប្រទេសចិន ។
លោកគួ សឹងគុនបានថ្លែងថា ប្រទេសចិននឹងយកសុន្ទរកថារបស់លោកស៊ី ជីនភីងប្រធានរដ្ឋចិនក្នុងសន្និសីទកំពូលស្តីពីការរក្សាសន្តិភាពរបស់អង្គការសហប្រជាជាតិជាពាក្យណែនាំ សម្រាប់ពង្រឹងនិងពង្រីកកិច្ចសហប្រតិបត្តិការជាមួយអង្គការសហប្រជាជាតិលើវិស័យរក្សាសន្តិភាព ព្រមទាំងកិច្ចសហប្រតិបត្តិការផ្នែកប្រឆាំងភេរវនិយមនិងការបង្រ្កាបគ្រឿងញៀនជាដើមមានភាពកាន់តែស៊ីជម្រៅ សំដៅរួមវិភាគទានកាន់តែធំក្នុងការរក្សាការអភិវឌ្ឍដោយសន្តិវិធីនៃពិភពលោក ។
