ថ្ងៃទី ២៨ ខែកុម្ភៈតាមម៉ោងតំបន់ លោកYang Jiechi ទីប្រឹក្សាកិច្ចការរដ្ឋចិនដែលកំពុងបំពេញទស្សនកិច្ចនៅអាមេរិកបានជួបសន្ទនាជាមួយលោកRex Tillerson រដ្ឋមន្ត្រីការបរទេសអាមេរិកនៅក្រសួងការបរទេសអាមេរិក ។
លោកYang Jiechi បានថ្លែងថា មុននេះមិនយូរប៉ុន្មាន ពេលលោកស៊ីជីនភីង ប្រធានរដ្ឋចិនទាក់ទងជាមួយលោកត្រាំ ប្រធានាធិបតីអាមេរិកតាមទូរសព្ទ បានយល់ព្រមជាឯកច្ឆ័ន្ទអំពីការរួមគ្នាខិតខំប្រឹងប្រែងជំរុញទំនាក់ទំនងរវាងចិននិងអាមេរិកសម្រេចការអភិវឌ្ឍន៍កាន់តែធំ ។ ដំណាក់កាលក្រោយ ភាគីចិនរីករាយរួមជាមួយភាគីអាមេរិក អនុលោមតាមមតិឯកភាពគ្នារបស់ប្រមុខរដ្ឋប្រទេសទាំងពីរ ប្រកាន់ខ្ជាប់គោលការណ៍ដែលមិនបដិបក្ខគ្នា គោរពគ្នា សហប្រតិបត្តិការនិងឈ្នះ-ឈ្នះ ជំរុញទំនាក់ទំនងរវាងចិននិងអាមេរិករីកចម្រើនដោយបរិសុទ្ធនិងនឹងនរ ផ្តល់ផលប្រយោជន៍ដល់ប្រជាជនប្រទេសទាំងពីរនិងប្រទេសនានាលើពិភពលោក ។
