សំដៅចំពោះការដែលប្រទេសកូរ៉េខាងជើងបានបង្ហោះគ្រាប់មីស៊ីលបាឡេស្ទិកយុទ្ធសាស្រ្តចម្ងាយឆ្ងាយមធ្យមដីទល់ដីមួយគ្រាប់ដោយជោគជ័យកាលពីថ្ងៃទី១២ខែកុម្ភៈ ថ្ងៃទី១៣ខែកុម្ភៈ លោក GengShuangអ្នកនាំពាក្យនៃក្រសួងការបរទេសចិនបានថ្លែងនៅទីក្រុងប៉េកាំងថា ភាគីចិនប្រឆាំងប្រទេសកូរ៉េខាងជើងធ្វើសកម្មភាពបង្ហោះគ្រាប់មីស៊ីលមានពាក់ព័ន្ធដែលល្មើសនឹងសេចក្តីសម្រេចចិត្តរបស់ក្រុមប្រឹក្សាសន្តិសុខអង្គការសហប្រជាជាតិ ហើយអំពាវនាវឲ្យភាគីនានារក្សាការអត់ធ្មត់ រួមគ្នាគាំពារសន្តិភាពនិងស្ថេរភាពនៅតំបន់នេះ។
មានដំណឹងផ្សាយឲ្យដឹងថា ប្រទេសអាមេរិកនិងប្រទេសជប៉ុនកំពុងតែជំរុញឲ្យអង្គការសហប្រជាជាតិកោះធ្វើសន្និសីទជាបន្ទាន់អំពីប្រទេសកូរ៉េខាងជើបង្ហោះគ្រាប់មីស៊ីល។ ក្នុងសន្និសីទកាសែតជាប្រចាំដែលធ្វើនាថ្ងៃដដែល មានអ្នកយកព័ត៌មានសួរថា តើភាគីចិនគាំទ្រក្រុមប្រឹក្សាសន្តិសុខបង្កើនការដាក់ទណ្ឌកម្មទៅលើកូរ៉េខាងជើងឬអត់?លោក GengShuangឆ្លើយតបថា សេចក្តីសម្រចេចិត្តនៃក្រុមប្រឹក្សាសន្តិសុខមានការកំណត់យ៉ាងច្បាស់ទៅលើការដែលប្រទេសកូរ៉េខាងជើងធ្វើសកម្មភាពបង្ហោះគ្រាប់មីស៊ីលដោយប្រើបច្ចេកទេសគ្រាប់មីស៊ីលបាឡេស្ទិក។ភាគីចិនប្រឆាំងប្រទេសកូរ៉េខាងជើងធ្វើសកម្មភាពបង្ហោះគ្រាប់មីស៊ីលមានពាក់ព័ន្ធដែលល្មើសនឹងសេចក្តីសម្រេចចិត្តរបស់ក្រុមប្រឹក្សាសន្តិសុខ។ភាគីនានាសុទ្ធតែត្រូវរក្សាការអត់ធ្មត់ រួមគ្នាគាំពារសន្តិភាពនិងស្ថេរភាពនៅតំបន់នេះ
