នាយប់ថ្ងៃទី ២៩ ខែមករា អ្នកទទួលខុសត្រូវនៃនាយកដ្ឋានអនុវត្តច្បាប់កិច្ចការសមុទ្រប្រទេសម៉ាឡេស៊ីបានថ្លែងថា ក្នុងរឿងនាវាលិចនៅលំហសមុទ្រក្បែរកោះMengalumរដ្ឋសាបានៃប្រទេសម៉ាឡេស៊ី មានមនុស្ស ២២ នាក់បានត្រូវសង្គ្រោះទាន់ពេលវេលា ដែលក្នុងនោះមាននាវិក ២ នាក់និងអ្នកទេសចរចិន ២០ នាក់ ក្រៅពីនេះមានអ្នកទេសចរចិន ៣ នាក់បានស្លាប់បាត់បង់ជីវិត និងមាន ៦ នាក់បាត់ខ្លួន ក្រុមការងារកំពុងតែបំពេញប្រតិបត្តិការស្វែងរកបន្តទៀត ។
លោកShahidan Kassim រដ្ឋមន្ត្រីនៃទីស្តីការនាយករដ្ឋមន្ត្រីម៉ាឡេស៊ីបានថ្លែងនៅថ្ងៃដដែលថា បើយោងតាមការរៀបរាប់របស់នាយនាវាដែលបានត្រូវជួយសង្គ្រោះឲ្យដឹងថា មូលហេតុដែលបណ្តាលឲ្យនាវាលិចគឺដោយសារត្រូវរលកបុក បន្ទាប់មកក៏បានលិចក្នុងរលកធំតែម្តង ។ នាវា ៨ គ្រឿងនៃនាយកដ្ឋានអនុវត្តច្បាប់កិច្ចការសមុទ្រម៉ាឡេស៊ី នាវាយោធាកងទ័ពជើងទឹក ២ គ្រឿង នាវាប៉ូលិស្តសមុទ្រ ២ គ្រឿងនិងកម្លាំងអាកាសនៃកងទ័ពជើងអាកាសនិងនាយកដ្ឋានអនុវត្តច្បាប់កិច្ចការសមុទ្របានចូលរួមប្រតិបត្តិការជួយសង្គ្រោះនាថ្ងៃទី ២៩ ខែមករាផងដែរ ៕
