តបតាមសេចក្តីអញ្ជើញរបស់លោកThongloun Sisoulithនាយករដ្ឋមន្រ្តីឡាវ ដែលជាប្រទេសប្រធានអាស៊ានឆ្លាស់វេន នៅល្ងាចថ្ងៃទី ៦ ខែកញ្ញាតាមម៉ោងប្រទេសឡាវ លោកLi Keqiangនាយករដ្ឋមន្រ្តីចិនបានធ្វើដំណើរតាមជើងយន្តហោះពិសេសអញ្ជើញទៅដល់ក្រុងវៀងចន្ទន៍ រដ្ឋធានីប្រទេសឡាវ ដើម្បីចូលរួមសន្និសីទថ្នាក់ដឹកនាំចិន-អាស៊ាន(១០+១)លើកទី ១៩ និងសន្និសីទកំពូលដើម្បីរំលឹកខួបទី ២៥ នៃការបង្កើតទំនាក់ទំនងសម្រាប់កិច្ចសន្ទនារវាងចិននិងអាស៊ាន សន្និសីទថ្នាក់ដឹកនាំអាស៊ាន និងប្រទេសចិន ជប៉ុន កូរ៉េខាងត្បូងលើកទី ១៩ និងសន្និសីទកំពូលអាស៊ីបូព៌ាលើកទី ១១ ព្រមនិងបំពេញទស្សនកិច្ចជាផ្លូវការនៅប្រទេសឡាវ ។
លោកLi Keqiang ថ្លែងថា ឆ្នាំ ២០១៦ នេះជាខួបទី ២៥ នៃការបង្កើតទំនាក់ទំនងសម្រាប់កិច្ចសន្ទនារវាងប្រទេសចិននិងអាស៊ាន ទំនាក់ទំនងទ្វេភាគីបានឈរលើទីចាប់ផ្តើមថ្មីនៃប្រវត្តិសាស្រ្ត ។ ខ្ញុំរីករាយក្នុងការធ្វើកិច្ចសហការជាមួយថ្នាក់ដឹកនាំនៃបណ្តាប្រទេសអាស៊ានដើម្បីរំលឹកឡើងវិញពីប្រវត្តិសាស្រ្ត បូកសរុបបទពិសោធន៍ រំពឹងទៅអនាគត រួមគ្នាធ្វើផែនទីបង្ហាញផ្លូវសម្រាប់កិច្ចសហប្រតិបត្តិការថ្មីរវាងចិន-អាស៊ាន ព្រមនិងរួមជាមួយបណ្តាភាគីផ្តោតសំខាន់លើកិច្ចសហប្រតិបត្តិការនិងធ្វើការពិគ្រោះពិភាក្សាអំពីការអភិវឌ្ឍក្រោមយន្តការ10 បូក ៣ និងសន្និសីទកំពូលអាស៊ីបូព៌ាជាដើម ក្នុងន័យរួមវិភាគទានដល់សន្តិភាព ស្ថិរភាព និងភាពរុងរឿងក្នុងតំបន់ ៕
