កាលពីថ្ងៃទី៦ខែមីនា លោក Xu Shaoshi ប្រធានគណៈកម្មាធិការកំណែទម្រង់និងអភិវឌ្ឍន៍ជាតិចិនបានទម្លាយឲ្យដឹងក្នុងសន្និសីទអ្នកសារព័ត៌មានដែលបើកធ្វើដោយមហាសន្និបាតលើកទី៤នៃសភាតំណាងប្រជាជនទូទាំងប្រទេសចិនថា នៅឆ្នាំ២០១៦ ការកសាងផ្លូវមួយនិងខ្សែក្រវាត់មួយនឹងរីកចម្រើនកាន់តែរហ័ស កិច្ចសហប្រតិបត្តិការផ្នែកផលិតកម្មអន្តរជាតិក៏នឹងរីកចម្រើនកាន់តែល្អផងដែរ ។
លោក Xu Shaoshi បានឧទ្ទេសនាមថា ឆ្នាំនេះ ប្រទេសចិននឹងរៀបចំចាត់ចែងនូវការអនុវត្តជាក់ស្តែងថែមមួយកម្រិតទៀតជាមួយនិងប្រទេសនៅតាមផ្លូវមួយនិងខ្សែក្រវាត់មួយដែលបានចុះហត្ថលេខាលើអនុស្សរណៈស្តីពីកិច្ចសហប្រតិបត្តិការ ជំរុញការកសាងរបៀងដែលសំខាន់ៗមួយចំនួន រៀបចំចាត់ចែងប្រទេសដែលជាសសរស្តមដ៏សំខាន់មួយចំនួន ហើយកិច្ចសហប្រតិបត្តិការផ្នែកផលិតកម្មអន្តរជាតិនឹងចាត់វិធានការកាន់តែច្រើនដើម្បីជំរុញទៅមុខ ចំណែកការកសាងផ្លូវដែកនិងការផ្ទេរផលិតកម្មដែលមានអាទិភាពជាដើមនឹងស្វែងរកការវិវឌ្ឍន៍ជាក់ស្តែងកាន់តែច្រើន ព្រមទាំងបង្កើនកម្លាំងគាំទ្រផ្នែកហិរញ្ញវត្ថុថែមមួយកម្រិតទៀត ។