តាមព័ត៌មានចំរុះនៃទីភ្នាក់ងារព័ត៌មានស៊ីនហ្វាចិន ថ្ងៃទី៣ខែកញ្ញា សកម្មភាពរំលឹកខួបឆ្នាំទី៧០នៃជ័យជំនះក្នុងសង្រ្គាមដែលប្រជាជនចិនតស៊ូប្រឆាំងនិងការឈ្លានពានរបស់ជប៉ុនព្រមនិងសង្រ្គាមតស៊ូប្រឆាំងហ្វាស៊ីសពិភពលោក បានប្រារព្វធ្វើឡើងនៅទីក្រុងប៉េកាំង។ ប៉ុន្មានថ្ងៃកន្លងមកនេះ ប្រព័ន្ធសារព័ត៌មានបរទេសបានយកចិត្តទុកដាក់យ៉ាងខ្លាំងចំពោះសកម្មភាពរំលឹកខួបយ៉ាងឧឡារិកនេះ ដោយបានធ្វើការផ្សព្វផ្សាយព័ត៌មានអំពីសភាពការណ៍រៀបចំរបស់ភាគីចិនហើយបានវែកញែកថា សកម្មភាពនេះមិនគ្រាន់តែជាការបង្ហាញនូវកម្លាំងប្រទេសមួយតែប៉ុណ្ណោះទេ ការសំខាន់ជាង នេះគឺដើម្បីចងចាំប្រវត្តិសាស្ត្រសង្រ្គាម ប្រកាសនូវការប្តេជ្ញាចិត្តនិងកម្លាំងដែលការពារសន្តិភាពពិភពលោកជាដើម ។
កាសែតNGរុស្ស៊ីបានផ្សាយថា ៧០ឆ្នាំក្រោយពីសង្គ្រាមលោកលើកទី២មក ឋានៈនិងតួនាទីសំខាន់របស់ប្រទេសចិនក្នុងសង្រ្គាមតស៊ូប្រឆាំងហ្វាស៊ីសពិភពលោកមិនត្រូវបានទទួលការគោរពនោះទេ ។ ការពិត ការតស៊ូប្រឆាំងយ៉ាងអង់អាចក្លាហានរបស់ប្រទេសចិនធ្វើឲ្យប្រទេសជប៉ុននិងអាល្លឺម៉ងអាចបំផុសសង្រ្គាមតែខ្លួនឯងដែល ពិបាកធ្វើកិច្ចសហប្រតិបត្តិការយុទ្ធសាស្ត្រ ។ ភាគីចិនកំពុងរៀបចំយ៉ាងមមាញឹកនូវសកម្មភាពរំលឹកខួបឆ្នាំទី៧០នៃជ័យជំនះក្នុងសង្រ្គាមដែលប្រជាជនចិនតស៊ូប្រឆាំងការឈ្លានពានរបស់ជប៉ុន។ លោកភូទីនប្រធានាធិបតីរុស្ស៊ី និងអ្នកដឹកនាំប្រទេសដទៃទៀតនិងចូលរួមសកម្មភាពមានពាក់ព័ន្ធតាមសេចក្តីអញ្ជើញ ។
ទីភ្នាក់ងារព័ត៌មានAsociated អាមេរិកបានផ្សាយដំណឹងថា ការដែលប្រទេសចិនធ្វើពិធីត្រួតពល គឺក្នុងគោលបំណងរំលឹកខួបឆ្នាំទី៧០ដែលប្រទេសជប៉ុនសុំចុះចាញ់ក្នុងសង្រ្គាមលោកលើកទី២ ហើយបង្ហាញឲ្យឃើញថា ប្រទេសចិនខិតខំប្រឹងប្រែងក្នុងការគាំពារសន្តិភាព។
កាសែតFrankfurterAllgemeineZeitungប្រទេសអាល្លឺម៉ង់បានផ្សាយដំណឹងថារដ្ឋាភិបាលចិនបានសន្យាថា ការត្រួតពលមិនសំដៅចំពោះប្រទេសណាមួយទេ ហើយក៏មិនសំដៅចំពោះប្រទេសជប៉ុននោះដែរ ប្រទេសចិនចង់បង្ហាញឲ្យឃើញពីការអភិវឌ្ឍដោយសន្តិភាពរបស់ខ្លួននិងរូបភាពជាអ្នកជំរុញសន្តិភាពអន្តរជាតិតែប៉ុណ្ណោះ ។
កាសែតTheAjuBusinessប្រទេសកូរ៉េខាងត្បូងបានផ្សាយដំណឹងថា សកម្មភាពរំលឹកខួបលើកនេះ បានបង្ហាញឲ្យឃើញពីគោលជំហយ៉ាងម៉ឺងមាត់របស់ប្រទេសចិនក្នុងការគាំពារសន្តិភាព។ការដែលលោកស្រីParkGeun-hyeប្រធានាធិបតីកូរ៉េខាងត្បូងអញ្ជើញចូលរួមក្នុងពិធីត្រួតពល គឺសំដែងឲ្យឃើញនូវសេចក្តីសំរេចចិត្តដែលរួមសហការជាមួយប្រទេសចិន ក្នុងការគាំពារសន្តិភាពពិភពលោក។
