ថ្ងៃទី៨ខែសីហាឆ្នាំ២០២៤ តាមម៉ោងប៉េកាំង គណៈប្រតិភូកីឡាប្រទេសចិនទទួលបានមេដាយមាស៥គ្រឿង មេដាយប្រាក់២គ្រឿង និងមេដាយសំរិទ្ធ២គ្រឿង។ក្នុងនោះអ្នកនាងChang Yuanបានឈ្នះមេដាយមាសដំបូងក្នុងវិញ្ញាសាប្រដាល់អូឡាំពិកនារីជូនប្រទេសចិន។

នៅព្រលឹមថ្ងៃទី៩ខែសីហាតាមម៉ោងប៉េកាំង ក្នុងវគ្គផ្តាច់ព្រ័ត្រប្រដាល់នារីប្រភេទទម្ងន់៥៤គីឡាក្រាម អត្តពលិកចិនអ្នកនាងChang Yuanប្រកួតជាមួយអត្តពលិកតួកគី។បន្ទាប់ពីប្រកួត៣ទឹក អ្នកនាងChang Yuanបានដណ្តើមបានមេដាយមាសដោយយកឈ្នះដៃគូប្រជែងក្នុងពិន្ទុ៥ទល់០។នេះគឺមេដាយមាសអូឡាំពិកគ្រឿងទីមួយរបស់ប្រទេសចិនក្នុងប្រវត្តិសាស្ត្រនៃវិញ្ញាសាប្រដាល់នារី។

ក្នុងវគ្គផ្តាច់ព្រ័ត្រនៃវិញ្ញាសាទូកកានូក្រុមបុរសពីរនាក់ចម្ងាយ៥០០ម៉ែត្រ អត្តពលិកចិនលោកLiu HaoនិងលោកJi Bowenបានឈ្នះមេដាយមាស។

ក្នុងប្រកួតវិញ្ញាសាទូកកានូក្រុមនារីពីរនាក់ចម្ងាយ៥០០ម៉ែត្រ អត្តពលិកចិនលោកស្រីXu Shixiao និងលោកស្រីSun Mengyaបានឈ្នះមេដាយមាស។

ក្នុងវគ្គផ្តាច់ព្រ័ត្រលោតទឹកបុរសប្រភេទក្ដារកំពស់៣ម៉ែត្រ អត្តពលិកចិនលោកXie SichangនិងលោកWang Zongyuanបានឈ្នះមេដាយមាសនិងមេដាយប្រាក់។

ចំពោះការប្រកួតលើកទម្ងន់វិញ អត្តពលិកចិនលោកស្រីLuo Shifangដែលចូលរួមការប្រកួតកីឡាអូឡាំពិកជាលើកដំបូងបានបំបែកឯកត្តកម្មអូឡាំពិកចំនួន៣ក្នុងប្រភេទទម្ងន់៥៩គីឡូក្រាម ហើយទទួលបានមេដាយមាសដោយពិន្ទុសរុប២៤១គីឡូក្រាម៕