ថ្ងៃទី ២៨ ខែកក្កដា លោកស្រី Sun Haiyan អនុរដ្ឋមន្ត្រីក្រសួងទំនាក់ទំនងអន្តរជាតិនៃគណៈកម្មាធិការមជ្ឈិមបក្សកុម្មុយនីស្តចិនបានដឹកនាំគណៈប្រតិភូទៅបំពេញទស្សនកិច្ចនៅឥណ្ឌូណេស៊ី និងបាន ជួប សន្ទនាដោយឡែកពីគ្នាជាមួយលោក Prabowo Subianto ប្រធានគណបក្ស Gerindra ឥណ្ឌូណេស៊ី និងជាប្រធានាធិបតីត្រៀមឡើងកាន់មុខតំណែងរបស់ឥណ្ឌូណេស៊ី លោកស្រី Megawati អតីតប្រធានាធិបតីឥណ្ឌូណេស៊ី និងជាប្រធានគណបក្សតស៊ូប្រជាធិបតេយ្យ រដ្ឋមន្ត្រីផែនការសេដ្ឋកិច្ច និងថ្នាក់ដឹកនាំនៃគណបក្សកាន់អំណាចនិងគណបក្សមិនកាន់អំណាចមួយចំនួន ព្រទាំងជួបសំណេះសំណាលជាមួយតំណាងនៃធនាគារគំនិតនិងសាលាឧត្តមសិក្សា។ ភាគីទាំងពីរបានផ្លាស់ប្តូរមតិយោបល់យ៉ាងស៊ីជម្រៅអំពីការផ្លាស់ប្តូរនិងកិច្ចសហប្រតិបត្តិការរវាងបក្សនិងបក្ស ភាគីចិនបានធ្វើបទបង្ហាញដោយស៊ីជម្រៅអំពីស្មារតីនៃកិច្ចប្រជុំពេញអង្គលើកទី ៣ នៃគណៈកម្មាធិការមជ្ឈិមបក្សកុម្មុយនីស្តចិនអាណត្តិទី ២០។ ភាគីឥណ្ឌូណេស៊ីរំពឹងទុកថាអាចធ្វើឱ្យការប្រាស្រ័យទាក់ទងនិងកិច្ចសហប្រតិបត្តិការរវាងប្រទេសទាំងពីរនិងបក្សទាំងពីរក្នុងគ្រប់វិស័យឱ្យមានភាពកាន់តែជិតស្និទ្ធ ដើម្បីរួមគ្នាសម្រេចបាននូវការអភិវឌ្ឍបែបឈ្នះ-ឈ្នះក្នុងការជំរុញការធ្វើទំនើបកម្ម៕