ថ្ងៃទី ២៩ខែកក្កដា តាមម៉ោងក្នុងតំបន់ សកម្មភាពពិសេសនៅកេនយ៉ានៃកិច្ចប្រជុំសន្ទនាសកលស្តីពី “កាលានុវត្តភាពពិភពលោកដែលបានមកពីការធ្វើឱ្យកាន់តែស៊ីជម្រៅនូវកំណែទម្រង់របស់ប្រទេសចិនក្នុងយុគសម័យថ្មី”ដែលផ្តួចផ្តើមរៀបចំដោយអគ្គស្ថានីយវិទ្យុនិងទូរទស្សន៍មជ្ឈិមចិនបានបើកធ្វើនៅក្រុងណៃរ៉ូប៊ី។លោកShenHaixiongអនុរដ្ឋមន្រ្តីក្រសួងឃោសនាការនៃគណៈកម្មាធិការមជ្ឈិមបក្សកុម្មុយនីស្តចិននិងជាអគ្គនាយកនៃអគ្គស្ថានីយវិទ្យុនិងទូរទស្សន៍មជ្ឈិមចិនបានថ្លែងសុន្ទរកថាតាមប្រព័ន្ធវីដេអូ។

      លោកShenHaixiongបានថ្លែងថា ក្នុងនាមជាប្រព័ន្ធសារព័ត៌មានបែបថ្មីដ៏សំខាន់ដែលឈានមុខលើឆាកអន្តរជាតិ អគ្គស្ថានីយវិទ្យុនិងទូរទស្សន៍មជ្ឈិមចិនបានរ៉ាប់រងទំនួលខុសត្រូវជាប្រព័ន្ធសារព័ត៌មានយ៉ាងសកម្ម បានបញ្ចេញជាបន្តបន្ទាប់នូវកម្មវិធីឆ្នើមមួយចំនួនធំ ដូចជា«ការដឹកនាំដ៏អស្ចារ្យ» «ដំណើរដ៏មហិមា»និង«ទម្រង់ថ្មីនៃអរិយធម៌មនុស្សជាតិរបស់ចិន៖ការធ្វើទំនើបកម្មតាមបែបផែនចិន»ជាដើម ដើម្បីបង្ហាញទៅកាន់ពិភពលោកទាំងមូលនូវភាពរស់រវើកដ៏ផុលផុសនិងការអនុវត្តដ៏អស្ចារ្យនៃការធ្វើទំនើបកម្មតាមបែបផែនចិន។ រំពឹងទុកថា ឆ្លងតាមរយៈការផ្លាស់ប្តូរយ៉ាងស្មោះត្រង់និងស៊ីជម្រៅ ឥស្សរជនគ្រប់មជ្ឈដ្ឋានទាំងជាតិនិងអន្តរជាតិអាចពួតដៃគ្នាឈានទៅមុខ រួមគ្នាទទួលរ៉ាប់រងបេសកកម្ម ក៏ដូចជារួមគ្នាជំរុញការកសាងសហគមន៍រួមវាសនារបស់មនុស្សជាតិនិងត្រួសត្រាយអនាគតកាន់តែល្អបវររបស់សង្គមមនុស្សជាតិ៕