តាមទិន្នន័យដែលគណនាដោយរដ្ឋបាលជាតិប្រៃសណីយ៍ចិនបង្ហាញថា ពីថ្ងៃទី ២១ ដល់ថ្ងៃទី ២៧ ខែមករាដែលជាអំឡុងពេលថ្ងៃបុណ្យចូលឆ្នាំថ្មីប្រពៃណីចិន មុខរបរដឹកជញ្ជូនអីវ៉ាន់រហ័សនៅទូទាំងប្រទេសចិនបានទទួលកញ្ចប់អីវ៉ាន់ប្រមាណ ៤១០លានកញ្ចប់ កើនឡើង ៥.១% បើធៀបនឹងរយៈពេលដូចគ្នានាឆ្នាំ ២០២២ កើនឡើង១៩២.៩% បើធៀបនឹងរយៈពេលដូចគ្នានាឆ្នាំ២០១៩ ការដឹកជញ្ជូនកញ្ចប់វ៉ាន់ដល់ផ្ទះមានចំនួន ៣៣០ លានកញ្ចប់ កើនឡើង ១០% បើធៀបនឹងរយៈពេលដូចគ្នានាឆ្នាំ ២០២២ កើនឡើង ២៥៤.៨% បើប្រៀបធៀបនឹងរយៈពេលដូចគ្នានាឆ្នាំ ២០១៩។
ទិន្នន័យបង្ហាញថា ចាប់តាំងពីចូលរដូវកាលដឹកអ្នកដំណើរក្នុងអំឡុងពេលថ្ងៃបុណ្យចូលឆ្នាំថ្មីប្រពៃណីចិនមក ពោលគឺចាប់ពីថ្ងៃទី ៧ ដល់ថ្ងៃទី២៧ ខែមករា មុខរបរដឹកជញ្ជូនអីវ៉ាន់រហ័សនៅទូទាំងប្រទេសចិនបានទទួលកញ្ចប់អីវ៉ាន់ ៣៩៤០ លានកញ្ចប់ ព្រមទាំងដឹកជញ្ជូនកញ្ចប់អីវ៉ាន់ដល់ផ្ទះចំនួន ៤៩០០លានកញ្ចប់ កើនឡើង ១២.៥% និង២១.៧% ដោយឡែកពីគ្នាបើប្រៀបធៀបនឹងរយៈពេលដូចគ្នានៃឆ្នាំ២០២២៕