អ្នកសារព័ត៌មានបានដំណឹងពីក្រសួងឧស្សាហកម្មនិងព័ត៌មានវិទ្យាចិននាពេលថ្មីៗនេះបានឱ្យដឹងថា នៅឆ្នាំ២០២២ ចំនួនផលិតនាវា ចំនួនបញ្ជាទិញថ្មី និងចំនួនបញ្ជាទិញមានស្រាប់របស់ប្រទេសចិន បើគិតតាមទម្ងន់ដឹកជញ្ជូនគិតជាតោន គឺស្មើនឹង ៤៧.៣% ៥៥.២% និង ៤៩% នៃចំនួនសរុបនៅទូទាំងពិភពលោកដោយឡែកពីគ្នា។ បើគិតតាមទម្ងន់សរុបគិតជាតោននៃនាវា គឺស្មើនឹង ៤៣.៥% ៤៩.៨% និង ៤២.៨% នៃចំនួនសរុបនៅទូទាំងពិភពលោកដោយឡែកពីគ្នា។ ពោលគឺសន្ទស្សន៍គ្រប់ផ្នែកក្នុងទីផ្សារអន្តរជាតិសុទ្ធតែស្ថិតនៅលំដាប់ថ្នាក់ទី១លើពិភពលោក។
នៅឆ្នាំ២០២២ សហគ្រាសនាវារបស់ប្រទេសចិនបានក្តាប់ជាប់នូវកាលានុវត្តភាពកើនឡើងខ្លាំងនៃតម្រូវការនាវាដឹកជញ្ជូនធុនធ្ងន់ប្រភេទ LNG លើពិភពលោក បានធ្វើការច្នៃប្រឌិតថ្មីដោយម្ចាស់ការជាបន្តបន្ទាប់ ដែលបន្តដណ្តើមបានទីផ្សារអន្តរជាតិយ៉ាងសកម្ម។ យោងតាមនិន្នាការនៃសមាគមឧស្សាហកម្មនាវាចិន ក្នុងឆ្នាំ២០២២ សហគ្រាសនាវាចិនទទួលបានការបញ្ជាទិញនាវាដឹកជញ្ជូនធុនធ្ងន់ប្រភេទ LNG ចំនួន ៥៥ គ្រឿង ដែលស្មើនឹង ៣០%នៃចំនួនបញ្ជាទិញសរុបនៅទូទាំងពិភពលោក បានបំបែកកំណត់ត្រាថ្មីក្នុងប្រវត្តិសាស្រ្ត៕