អ្នកយកព័ត៌មានបានដំណឹងពីកិច្ចប្រជុំអគ្គនាយកនិងប្រធានមន្ទីរវប្បធម៌ និងទេសចរណ៍ទូទាំងប្រទេសចិនដែលបើកធ្វើនៅថ្ងៃទី៥ខែមករាថា នៅឆ្នាំ២០២៣ ក្រសួងវប្បធម៌និងទេសចរណ៍ចិននឹងធ្វើការខិតខំប្រឹងប្រែងដើម្បីលើកកម្ពស់ការផ្គត់ផ្គង់ផលិតផលនិងសេវាកម្មដែលមានគុណភាពខ្ពស់ ក្នុងន័យពន្លឿនការអភិវឌ្ឍវិស័យទេសចរណ៍។ ក្នុងនោះរួមមាន៖ ធ្វើឡើងជាលំដាប់លំដោយនូវការពិនិត្យវាយតម្លៃចំពោះតំបន់ទេសចរណ៍ថ្នាក់៥A និងរមណីយដ្ឋានទេសចរណ៍ថ្នាក់ជាតិ។
ជំរុញការជំរឿនធនធានទេសចរណ៍ជាតិ និងដាក់ចេញបញ្ជីរាយនាមធនធានទេសចរណ៍កម្រិតពិសេសរបស់ចិនជាលើកដំបូង។ រៀបចំផែនការមេដើម្បីជំរុញការសាងសង់ឧទ្យានវប្បធម៌ជាតិរួមមានមហាកំផែង មហាព្រែកជីក ទន្លេលឿង និងទន្លេយ៉ង់សេជាដើម ក៏ដូចជាអនុវត្តគម្រោងសម្រាប់ការសម្រាកលំហែកាយរបស់ប្រជាពលរដ្ឋ ។