ថ្ងៃទី១ខែមករាតាមម៉ោងក្នុងតំបន់ លោកQin Gangរដ្ឋមន្ត្រីក្រសួងការបរទេសចិននិងលោកBlinkenរដ្ឋមន្ត្រីក្រសួងការបរទេសអាមេរិកសុទ្ធតែផុសអត្ថបទនៅTwitter ដោយបញ្ជាក់ថាលោកទាំង២នាក់បាននិយាយតាមទូរសព្ទ ។
លោកBlinkenបានផុសអត្ថបទតាមប្រព័ន្ធផ្សព្វផ្សាយសង្គមថា “ព្រឹកនេះ ខណៈពេលលោកQinGangរដ្ឋមន្ត្រីក្រសួងការបរទេសចិនអាណត្តិថ្មី ជិតនឹងចាកចេញពីទីក្រុងវ៉ាស៊ីតោន ដើម្បីបំពេញការងារថ្មី ខ្ញុំបាននិយាយទូរសព្ទជាមួយលោក។ យើងបានពិគ្រោះពិភាក្សាអំពីទំនាក់ទំនងរវាងអាមេរិកនិងចិន ព្រមនិងបញ្ហារក្សាផ្លូវប្រាស្រ័យទាក់ទងប្រកបដោយការបើកចំហ”។
បន្ទាប់មក លោកQin Gang ក៏បានផុសអត្ថបទនៅប្រព័ន្ធផ្សព្វផ្សាយសង្គមដែរ ដោយបញ្ជាក់ថា បាននិយាយទូរសព្ទសូមលាលោកBlinken ។ លោកQin Gangបានថ្លែងថា “សូមអរគុណដល់លោកដែល បានធ្វើការជួបប្រាស្រ័យដ៏ស្មោះត្រង់ ជ្រាលជ្រៅនិងមានលក្ខណៈស្ថាបនាជាច្រើនលើកជាមួយខ្ញុំ ក្នុងអាណត្តិជាឯកអគ្គរដ្ឋទូតចិនប្រចាំនៅអាមេរិករបស់ខ្លួន សង្ឃឹមថា និងរក្សាទំនាក់ទំនងការងារយ៉ាងជិតស្និទជាមួយលោក ដើម្បីទំនាក់ទំនងចិននិងអាមេរិកកាន់តែល្អប្រសើរ ”។