ថ្ងៃទី១ខែធ្នូតាមម៉ោងក្នុងតំបន់ សហភាពអាហ្រ្វិកបានថ្លែងនៅក្នុងសេចក្តីថ្លែងការណ៍មួយច្បាប់ថា នៅក្នុងកិច្ចប្រជុំកំពូលពិសេសស្តីពីឧស្សាហូបនីយកម្ម និងពិពិធកម្មសេដ្ឋកិច្ចរបស់សហភាពអាហ្វ្រិកដែលធ្វើឡើងនៅប្រទេសនីហ្សេរីយ៉ាកាលពីសប្តាហ៍មុន មេដឹកនាំនៃប្រទេសអាហ្វ្រិកជាច្រើនដែលបានចូលរួមក្នុងកិច្ចប្រជុំបានរំលឹកឡើងវិញថា ត្រូវពន្លឿនការកសាងឧស្សាហូបនីយកម្ម និងពិពិធកម្មសេដ្ឋកិច្ចអាហ្វ្រិក ដោយផ្តល់អាទិភាពដល់ការអភិវឌ្ឍក្នុងវិស័យសុខភាពនិងផលិតឱសថ វិស័យផលិតរថយន្ត ធនធានរ៉ែនិងចំណីអាហារជាដើម ដើម្បីកាត់បន្ថយការពឹងផ្អែកលើខាងក្រៅរបស់ទ្វីបអាហ្រ្វិក។
សេចក្តីថ្លែងការណ៍របស់សហភាពអាហ្វ្រិកបានកត់សម្គាល់ថែមមួយកម្រិតទៀតថា ចាំបាច់ត្រូវបង្កើនការវិនិយោគលើហេដ្ឋារចនាសម្ព័ន្ធនិងថាមពលអាហ្រ្វិកក្រោមការគាំទ្ររបស់គ្រឹះស្ថានហិរញ្ញវត្ថុនិងដៃគូសហការ ដើម្បីកាត់បន្ថយថ្លៃដើមនៃផលិតកម្មនិងលើកកម្ពស់កម្លាំងប្រកួតប្រជែងនៃសេដ្ឋកិច្ចអាហ្វ្រិក៕