ថ្ងៃទី២៧ខែវិច្ឆិកា លោក Ukhnaagiin Khurelsuhប្រធានាធិបតីម៉ុងហ្គោលីអញ្ជើញមកដល់ទីក្រុងប៉េកាំង ដើម្បីចាប់ផ្តើមដំណើរបំពេញទស្សនកិច្ចនៅប្រទេសចិនជាលើកដំបូងតាំងពីលោកបានឡើងកាន់អំណាចជាប្រធានាធិបតីម៉ុងហ្គោលី។ មុនពេលដំណើរទស្សនកិច្ចរបស់ប្រធានាធិបតីម៉ុងហ្គោលីនៅប្រទេសចិន អ្នកយកព័ត៌មាននៃអគ្គស្ថានីយវិទ្យុនិងទូរទស្សមជ្ឈិមចិនបានយកបទសម្ភាសន៍ផ្តាច់មុខជាមួយលោកTuvshin Badral ឯកអគ្គរដ្ឋទូតម៉ុងហ្គោលីប្រចាំនៅប្រទេសចិន។ លោកបានថ្លែងថា ប្រទេសចិនគឺជា"អ្នកជិតខាងដ៏ល្អរបស់ម៉ុងហ្គោលីដែលមិនអាចកាត់ថ្លៃបាន" ម៉ុងហ្គោលីរួមដំណើរស្របជាមួយការអភិវឌ្ឍដោយល្បឿនលឿនរបស់ប្រទេសចិន។
លោកឯកអគ្គរដ្ឋទូតBadralបានថ្លែងបន្តថា ការដែលប្រទេសម៉ុងហ្គោលីនិងប្រទេសចិនពង្រីកទំនាក់ទំនងទ្វេភាគីយ៉ាងជិតស្និទ្ធ និងពង្រឹងកិច្ចសហប្រតិបត្តិការគឺសមស្របនឹងផលប្រយោជន៍រួមរបស់ភាគីទាំង២។ ប្រទេសម៉ុងហ្គោលីរីករាយរួមដំណើរស្របជាមួយការអភិវឌ្ឍដោយល្បឿនលឿនរបស់ប្រទេសចិន៕